ໜີບໍ່ລອດ!..ສອງແມ່ລູກຮ່ວມກັນລັກຊັບ ພົນລະເມືອງ ຖືກຈັບສົ່ງດຳເນີນຄະ ດີ

ວັນທີ 12 ພະຈິກ ຜ່ານມາ, ເຈົ້າໜ້າທີ່ ປກສ ກຸ່ມສີສັງວອນ ກອງບັນຊາການ ປກສ ເມືອງໄຊເສດຖາ ນະຄອນຫຼວງວຽງຈັນ ໄດ້ຮັບແຈ້ງ ຄວາມຈາກຜູ້ຖືກເສຍຫາຍວ່າ ມີຄົນຂັບຂີ່ລົດຈັກ ມາລັກລົດຈັກໄຟຟ້າ ທີ່ຈອດໄວ້ຢູ່ໜ້າເຮືອນ.

ພັຕ ຄຳພິນ ທອງສະຫວັນ ຮອງຫົວໜ້າ ປກສ ກຸ່ມສີສັງວອນ ໃຫ້ຮູ້ວ່າ: ຜ່ານການລົງເກັບຂໍ້ມູນຫຼັກຖານ ໃນຈຸດເກີດເຫດ ແລະ ສາມາດຕິດຕາມຈັບຜູ້ກໍ່ເຫດລັກລົດ ໄດ້ ຊື່ ນາງ ເລທິມາຍ ອາຍຸ 53 ປີ ແລະ ທ້າວ ທາຍ (ແມ່ລູກ) ພັກເຊົາຢູ່ຫ້ອງແຖວ ບ້ານຮ່ອງແກ ເມືອງໄຊເສດຖາ ມາດຳເນີນຄ ະດີ.

ຜ່ານການສອບສວນ ຜູ້ຖືກຫາ ທັງສອງ ສາລະພາບວ່າ: ເວລາປະມານ 19:00 ໂມງ ວັນທີ 12 ພະຈິກ 2021 ໄດ້ພາກັນໄປລັກເອົາລົດ ຈັກໄຟຟ້າ ທີ່ຈອດຢູ່ໜ້າເຮືອນຫຼັງໜຶ່ງ ເຂດບ້ານໂພນສີນວນແທ້,ພາຍຫຼັງໄດ້ລົດມາແລ້ວ ໄດ້ເອົາໄປຂາຍຢູ່ຮ້ານຮັບຊື້ເຫຼັກເສດ ຕັ້ງຢູ່ບ້ານໂພນທັນ ເມືອງໄຊເສດຖາ ນວ.

ປັດຈຸບັນ,ເຈົ້າໜ້າທີ່ ປກສ ກຸ່ມສີສັງວອນ ໄດ້ເກັບກູ້ລົດຈັກໄຟຟ້າຄັນດັ່ງກ່າວຄືນມາໄດ້ແລ້ວ,ສ່ວນຜູ້ຖືກຫາທັງສອງ ແມ່ນໄດ້ສົ່ງໃຫ້ກອງບັນຊາການ ປກສ ເມືອງໄຊເສດຖາ ສືບຕໍ່ດໍາເນີນຄ ະດີ.