ເຈົ້າໜ້າທີ່!.. ສຶກສາອົບຮົມ ກຸ່ມໄວລຸ້ນ ທີ່ຕັ້ງວົງຊຸມແຊວເຫຼົ້າເບຍ

ເວລາ 17:00 ໂມງ ຂອງວັນທີ 14 ພະຈິກ 2021 ໄດ້ມີກຸ່ມໄວລຸ້ນ ຕັ້ງວົງຊຸມແຊວດື່ມເຫຼົ້າ, ເບຍ ຢູ່ຮ່ອມ 5 ໜ່ວຍ 28ຢູ່ເຮືອນ ຂອງ ນາງ ຈັນສະໝອນ ອາຍຸ 42 ປີ ບ້ານຊ້າງຄູ້ ເມືອງໄຊທານີ ນວ, ມີລູກຊາຍ ຜູ້ກ່ຽວຊື່ ທ້າວ ສັນທະນູສອນ ອາຍຸ 18 ປີ ພາໝູ່ມາຕັ້ງວົງດື່ມສິ່ງມຶນເມົາ ຈົນຮອດ 03:00 ໂມງ ຂອງວັນທີ 15 ພະຈິກ 2021 ອໍານາດການປົກຄອງບ້ານ ໄດ້ເຂົ້າໄປກ່າວເຕືອນພວກກ່ຽວກໍ່ບໍ່ຢຸດເຊົາ

ມາຮອດເວລາ 06:00 ໂມງ ເຈົ້າໜ້າທີ່ ສນ 1191 ສະພັງເມິກ ໄດ້ເຂົ້າກວດກາ ແລະ ແກ້ໄຂ ເຊີນພວກກ່ຽວ 11 ຄົນ ຍິງ 4 ຄົນ ໄປຫ້ອງການບ້ານ ເພື່ອທໍາການສຶກສາອົບຮົມ ແລະ ນຳໃຊ້ມາດຕະການ. ກອງບັນຊາການ ປກສ ນວ ຮຽກຮ້ອງມາຍັງພໍ່ແມ່, ປະຊາຊົນລາວບັນດາເຜົ່າ ເວົ້າສະເພາະ ຊາວນະຄອນຫຼວງວຽງຈັນ ຈົ່ງພ້ອມກັນເປັນເຈົ້າການຈັດຕັ້ງປະຕິບັດແຈ້ງການເລກທີ 1494/ຫສນຍ ວ່າດ້ວຍການສືບຕໍ່ປະຕິບັດມາດຕະການປ້ອງກັນ, ຄວບຄຸມການແຜ່ລະບາດຂອງພະຍາດ ໂຄວິດ-19 ຢູ່ ນວ ໃຫ້ຫຼຸດໜ້ອຍຖອຍລົງ, ຖ້າພົບເຫັນບັນຫາປະກົດການຫຍໍ້ທໍ້ ຂໍໃຫ້ແຈ້ງ ວອດແອັບ ປກສ ນວ ເບີ 020 28899774 ຫຼື ຜ່ານຊ່ອງທາງເຟັສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ.