ຕາມຂ່າວ cri ລາຍງານວ່າ: ພິທີມອບ-ຮັບໂຄງການຊ່ວຍເຫຼືອໂຮງໝໍມະໂຫສົດ ໄລຍະທີໜຶ່ງ ຂອງກະຊວງສາທາລະນະສຸກ ແຫ່ງ ສປປ ລາວ ຈັດຂຶ້ນໃນຕອນເຊົ້າວັນທີ 11 ພະຈິກ 2021 ນີ້,
![](https://kkklao.com/wp-content/uploads/2021/11/82-2-1024x683.jpg)
ຕ່າງໜ້າລັດຖະບານ ສປ ຈີນ ມອບໂດຍ ທ່ານ ຈຽງ ຈ້າຍຕຸ່ງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປ ຈີນ ປະຈໍາ ສປປ ລາວ ແລະ ຕ່າງໜ້າລັດຖະບານແຫ່ງ ສປປ ລາວ ຮັບໂດຍ ທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ. ໂຄງການດັ່ງກ່າວ ແມ່ນໄດ້ຮັບການຊ່ວຍເຫຼືອຈາກ ສປ ຈີນ ເປັນໂຄງການທີ່ໃຫຍ່ທີ່ສຸດການຊ່ວຍເຫລືອດ້ານສາທາລະນະສຸກຂອງ ສປ ຈີນ ຕໍ່ຕ່າງປະເທດ.
![](https://kkklao.com/wp-content/uploads/2021/11/81-1-1024x683.jpg)
ໂຮງຫມໍແຫ່ງນີ້ມີເນື້ອທີ່ 5 ເຮັກຕາປາຍ, ເນື້ອທີ່ປຸກສ້າງປະມານ 3 ເຮັກຕາປາຍ ເຊິ່ງແບ່ງອອກເປັນສອງໄລຍະ, ສໍາລັບໄລຍະທີຫນື່ງປະກອບມີຕຶກອາຄານ 8 ຊັ້ນ ແລະ 4 ຊັ້ນ, ໄລຍະທີສອງປະກອບມີຕຶກອາຄານ 5 ຊັ້ນ ແລະ 4 ຊັ້ນ ຄາດວ່າຈະສ້າງສໍາເລັດໃນທ້າຍປີ 2022 ນີ້ ປະກອບມີທັງຫມົດ 600 ຕຽງ. ນອກນີ້, ຍັງຊ່ວຍເຫລືອອຸປະກອນການແພດຈໍານວນຫນຶ່ງ ແລະ ພາຍຫລັງສ້າງສໍາເລັດແລ້ວຍັງຈະຊ່ວຍຝຶກອົບຮົມໃຫ້ແກ່ແພດຫມໍໂຮງຫມໍດັ່ງກ່າວໄປໄລຍະສາມປີ ເພື່ອຍົກສູງຄຸນນະພາບການປິ່ນປົວໃຫ້ແພດຫມໍລາວ.
![](https://kkklao.com/wp-content/uploads/2021/11/85-1-1024x768.jpg)
ໂຮງຫມໍແຫ່ງນີ້ຈະເປັນໂຮງຫມໍພາກລັດທີ່ໃຫຍ່ທີ່ສຸດໃນ ສປປ ລາວ, ມີຄວາມທັນສະໄຫມ ແລະ ທັງປະຢັດພະລັງງານ
![](https://kkklao.com/wp-content/uploads/2021/11/86-1024x431.jpg)
Discussion about this post