ຂ່າວດີ 2 ເອື້ອຍນ້ອງໄດ້ຮັບການຊ່ວຍເຫຼືອແລ້ວ

ສາມສີ່ວັນຜ່ານມາມີການລົງ ເຟສບຸກ ວອນຜູ້ໃຈບຸນຊ່ວຍເຫລືອ 2 ເອື້ອຍນ້ອງນີ້. ແຕ່ປັດຈຸບັນໄດ້ມີການໂພສຈາກ phonephet chanthalangsee ໄດ້ໂພສວ່າ: “ຂໍຄວາມຊ່ວຍເຫຼືອນຳບັນດາທ່ານ ຜູ້ໃຊ້ Facebook,

ຊ່ວຍກັນສົ່ງຕໍ່ ເພື່ອໃຫ້ບັນດາໝູ່ເພື່ອນຂອງທ່ານ ແລະ ສັງຄົມໄດ້ຮັບຮູ້ຢ່າງກວ້າງຂວາງ ແລະ ເຂົ້າໃຈຢ່າງຖືກຕ້ອງວ່າ: ເດັກທັງສອງຄົນ ໄດ້ມາຢູ່ໃນຄວາມດູແລ ຂອງບ້ານຊ່ວຍເຫຼືອເດັກ ເອັສໂອເອັສ (SOS) ສະຫວັນນະເຂດ ນັບແຕ່ ວັນທີ 16 ເດືອນມີນາ 2020 ເປັນຕົ້ນມາ.

ປັດຈຸບັນ ເດັກທັງສອງ ໄດ້ຮັບຄວາມຮັກ, ຄວາມອົບອຸ່ນ, ຄວາມປອດໄພ ແລະ ໄດ້ເຂົ້າໂຮງຮຽນປົກກະຕິ ເປັນຢ່າງດີ. ຂໍສະແດງຄວາມຂອບໃຈ ແລະ ຮູ້ບຸນຄຸນ ທ່ານເລຂາ ຄະນະບໍລິຫານງານພັກເມືອງເຊໂປນ (ເຈົ້າເມືອງ), ຮອງເລຂາພັເມືອງ ທີ່ຍາມໃດກໍ່ເອົາໃຈໃສ່ ແລະ ແຕ່ງຕັ້ງພະນັກງານວິຊາການລົງຮ່ວມເຮັດວຽກຕົວຈິງ

ກັບບ້ານຊ່ວຍເຫຼືອເດັກ ເອັສໂອເອັສ (SOS) ສະຫວັນນະເຂດ ຢ່າງບໍ່ຮູ້ອິດຮູ້ເມື່ອຍ ເຖິງຈະເປັນຍາມວິການ (ເຮັດວຽກຮອດກາງຄືນ) ກໍ່ຕາມ. ຂໍຂອບໃຈ ທ່ານ ຜູ້ອໍານວຍການໂຄງການ ບ້ານຊ່ວຍເຫຼືອເດັກ ເອັສໂອເອັສ ລາວ (SOS Laos) ທີ່ພິຈາລະນາ ແລະ ອະນຸມັດ ການອຸປະຖໍາລ້ຽງດູເດັກທັງສອງ ຢ່າງວ່ອງໄວແລະທັນສະພາບ”

.

.