ມວນອາກາດເຢັນທີ່ປະເທດຈີນ ໄດ້ແພ່ລົງມາປົກຄຸມຢູ່ທົ່ວທຸກພາກ ຂອງປະເທດລາວ ສົມທົບກັບກະແສລົມຕາເວັນອອກສ່ຽງເໜືອພັດປົກ ຄຸມ, ເຊິ່ງຈະເຮັດໃຫ້ອາກາດເຢັນລົງຢູ່ໃນແຕ່ລະພາກ ແລະ ອາກາດຈະ ໜາວເຢັນຢູ່ແຂວງດ້ານຕາເວັນອອກ, ແຂວງໄຊສົມບູນ ແລະ ເຂດພູພຽງ ບໍລະເວນ ພ້ອມມີລົມພັດແຮງຢູ່ບາງທ້ອງຖິ່ນ ແລະ ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ບາງທ້ອງຖິ່ນແຂວງພາກເໜືອ ແລະ ພາກໃຕ້.
ຂໍ້ມູນອຸຕຸກະເສດ: ສໍາລັບເຂົ້ານາປີ ແລະ ພືດຜັກ ແມ່ນມີຄວາມອ່ອນ ໄຫວຕໍ່ສັດຕູພືດ ທີ່ມີຄວາມສ່ຽງໃນລະດັບປານກາງ ຫາ ສູງ. ດັ່ງນັ້ນ, ກະສິກອນຄວນເອົາໃຈໃສ່ເພີ່ມທະວີການຕິດຕາມກວດກາ ແລະ ເຝົ້າລະ ວັງນໍາໃຊ້ມາດຕະການຄວບຄຸມທີ່ເໝາະສົມ. ສໍາລັບພະຍາດພືດ ແລະ ແມງ ໄມ້, ພະຍາດໃບໄມ້, ພະຍາດໃບຈຸດສີນໍ້າຕານ ແມ່ນມີຄວາມສ່ຽງລະດັບສູງ ພ້ອມດຽວກັນກໍຕິດຕາມ ພະຍາດກາບໃບແຫ້ງ, ເພ້ຍຈັກຈັ່ນສີນໍ້ຕານ, ບົ້ງຮໍາໃບ, ດ້ວງກໍສີເຫລືອງ, ບົ້ງຫໍ່ລໍາຕົວ, ແມງບົວ ທີ່ມີຄວາມສ່ຽງລະດັບ ປານກາງ.
ພາກເໜືອດ້ານຕາເວັນອອກ: ອາກາດເຢັນ ຍັງຈະມີຝົນຕົກ ຟ້າຮ້ອງ ຟ້າເຫລືອມໃນລະດັບຄ່ອຍ ພ້ອມມີລົມພັດແຮງຢູ່ບາງທ້ອງຖິ່ນ ຫລື ເນື້ອທີ່ ການປົກຫຸ້ມຂອງຝົນ ເທົ່າກັບ 30% ຂອງພາກ, ອຸນຫະພູມໃນລະຫວ່າງ 13-24 ອົງສາ. ພາກເໜືອດ້ານຕາເວັນຕົກ: ອາກາດເຢັນ ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ພ້ອມມີລົມແຮງພັດຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 40% ຂອງພາກ, ອຸນຫະພູມໃນ ລະຫວ່າງ 18-32 ອົງສາ.
ນະຄອນຫລວງວຽງຈັນ: ອາກາດຈະເຢັນລົງໃນຕອນເຊົ້າ ພ້ອມມີລົມພັດ ແຮງຢູ່ບາງບໍລິເວນ ອຸນຫະພູມໃນລະຫວ່າງ 21-34 ອົງສາ.
ພາກກາງ: ອາກາດຈະເຢັນລົງ ຈະມີຝົນຕົກໃນລະດັບຄ່ອຍ ພ້ອມມີລົມ ພັດແຮງຢູ່ບາງທ້ອງຖິ່ນ ແຂວງວຽງຈັນ ຫລື ເນືອທີ່ການປົກຫຸ້ມຂອງຝົນ ເທົ່າກັບ 10% ຂອງພາກ, ອຸນຫະພູມໃນລະຫວ່າງ 19-33 ອົງສາ. ແຂວງໄຊສົມບູນ: ອາກາດໜາວເຢັນ ຈະມີຝົນຕົກໃນລະດັບຄ່ອຍ ພ້ອມມີລົມພັດແຮງເປັນບາງໂອກາດ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 10% ຂອງແຂວງ, ອຸນຫະພູມໃນລະຫວ່າງ 13-25 ອົງສາ.
ພາກໃຕ້: ອາກາດຈະເຢັນລົງໃນຕອນເຊົ້າ ຈະມີຝົນຕົກໃນລະດັບຄ່ອຍ ພ້ອມມີລົມພັດແຮງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 40% ຂອງພາກ, ອຸນຫະພູມໃນລະຫວ່າງ 20-33 ອົງສາ. ສໍາລັບເຂດພູພຽງບໍລະເວນ: ອາກາດໜາວເຢັນ ພ້ອມມີລົມພັດ ແຮງເປັນບາງໂອກາດ, ອຸນຫະພູມໃນລະຫວ່າງ 12-27 ອົງສາ.
Discussion about this post