ເຈົ້າໜ້າທີ່ ປກສ ກຸ່ມທ່າເດື່ອ ຈັບໄດ້ 2 ຄົນ ພ້ອມຂອງກາງ 759 ເມັດ

ວັນທີ 3 ພະຈິກ ນີ້,ປກສ ກຸ່ມທ່າເດື່ອ ເມືອງຫາດຊາຍຟອງ ນວ ສົມທົບກັບກອງກໍ່ສ້າງຮາກຖານ ລົງເຄື່ອນໄຫວວຽກງານວິຊາສະເພາະ ແລະ ໄດ້ພົບເຫັນໄວລຸ້ນຊາຍ 2 ຄົນ ມີທ່າທາງພິລຸດ ຂັບຂີ່ລົດຈັກຊ້ອນກັນມາ ຈຶ່ງໄດ້ກັກລົດ ເພື່ອກວດກາເອກະສານ,ພ້ອມກວດຄົ້ນພົບຢາບ້າ 759 ເມັດ ໃນຖົງພາຍຂອງພວກກ່ຽວ.

ຜູ້ຖືກຫາທັງສອງ ຊື່ ທ້າວ ເຈົ້າ ອາຍຸ 24 ປີ ແລະ ທ້າວ ເອ ອາຍຸ 22 ທັງສອງຢູ່່ບ້ານຊຽງຄວນ ເມືອງຫາດຊາຍຟອງ ນວ.ພວກກ່ຽວຮັບສາລະພາບວ່າ: ຢາບ້າ ຈຳນວນ 759 ເມັດ ທີ່ເຈົ້າໜ້າທີ່ກວດພົບເຫັນນັ້ນ ແມ່ນກຽມຈະເອົາໄປຂາຍ, ແຕ່ມາຖືກຈັບໄດ້ກ່ອນ.

ປັດຈຸບັນຄະດີດັ່ງກ່າວ,ເຈົ້າໜ້າທີ່ ປກສ ກຸ່ມທ່າເດື່ອ ໄດ້ນຳສົ່ງຕົວພວກກ່ຽວ ພ້ອມຂອງກາງຢາບ້າ ໃຫ້ພະແນກຕຳຫຼວດ ປກສ ເມືອງຫາດຊາຍຟອງ ສືບຕໍ່ດຳເນີນຄະດີຕາມກົດໝາຍ.

ຂ່າວ-ພາບ: ປກສ ນະຄອນຫຼວງວຽງຈັນ