ສຶກສາອົບຮົມ ຄອບຄົວ 3 ຄົນ ທີ່ລະເມີດແຈ້ງການ 38/ສພກ.ນວ

ປກສ ກຸ່ມເພຍວັດ ສົມທົບພະນັກງານກໍ່ສ້າງຮາກຖານ ແລະ ປກສ ບ້ານເພຍວັດ ໄດ້ນຳຕົວ ທ້າວ ເຮືອງ ອາຍຸ 42 ປີ ຄ້າຂາຍ ຢູ່ບ້ານເພຍວັດ ໜ່ວຍ 7 ເມືອງສີສັດຕະນາກ ນວ, ພ້ອມດ້ວຍສະມາຊິກພາຍໃນຄອບຄົວ 3 ຄົນ ຂຶ້ນມາຫ້ອງການບ້ານເພຍວັດ ເວລາ 21:00 ໂມງ ຂອງວັນທີ 20 ຕຸລາ 2021 ເພື່ອເຮັດບົດບັນທຶກສຶກສາອົບຮົມ ແລະ ກ່າວເຕືອນ ໃນການຊຸມແຊວດື່ມເຫຼົ້າ, ເບຍ ອາດຈະເປັນສາເຫດພາໃຫ້ເກີດການແຜ່ເຊື້ອພະຍາດໂຄວິດ-19 ເຊິ່ງການກະທໍາດັ່ງກ່າວເປັນການລະເມີດຕໍ່ແຈ້ງການ 38/ສພກ. ນວ

ລົງວັນທີ 15 ຕຸລາ 2021 ຂໍ້ 3 ການຈັດຕັ້ງປະຕິບັດມາດຕະການ ປິດ/ຫ້າມ ທົ່ວໄປຢ່າງເຂັ້ມງວດ ໃນຂໍ້ 3.4 ຫ້າມບຸກຄົນ, ນິຕິບຸກຄົນ ແລະ ການຈັດຕັ້ງ ຈັດງານສັງສັນ ຫຼື ຊຸມແຊວທຸກຮູບແບບ ທຸກສະຖານທີ່ ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງ ປະຊາຊົນລາວບັນດາເຜົ່າ ເປັນເຈົ້າການໃນການຮັກສາຄວາມສະຫງົບ ແລະ ເອົາໃຈໃສ່ປ້ອງກັນ, ສະກັດກັ້້ນ, ການແຜ່ລະບາດພະຍາດໂຄວິດ-19 ຢ່າງເຂັ້ມງວດ ຖ້າພົບເຫັນເຫດການໃດ ທີ່ເປັນສາເຫດກໍ່ຄວາມບໍ່ສະຫງົບໃນສັງຄົມ ຫຼື ເປັນສາເຫດພາໃຫ້ມີການແຜ່ເຊື້ອພະຍາດໂຄວິດ-19 ແຈ້ງມາທີ່ເບີ 020 2889 9774 ຫຼື ທາງ ເຟັສບຸກ ປກສ ນວ.