ເຈົ້າໜ້າທີ່!. ຈັບເປົ້າໝາຍຢາເສບຕິດພ້ອມຂອງກາງ 1.015 ເມັດ

ວັນທີ 7 ຕຸລາ ຜ່ານມາ, ປກສ ກຸ່ມບ້ານໃໝ່ ເມືອງສີໂຄດຕະບອງ ນວ ສາມາດຈັບເປົ້າໝາຍຢາເສບຕິດ ຊື່ ທ້າວ ປ້ອມ ອາຍຸ 32 ປີ ຢູ່ບ້ານຈຳປາ ເມືອງສີໂຄດຕະບອງ ມີຂອງກາງຢາບ້າ 1.015 ເມັດ ສົ່ງໃຫ້ກອງບັນຊາການ ປກສ ເມືອງ ດຳເນີນຄະດີ.

ຜ່ານການສອບສອບ ຜູ້ກ່ຽວສາລະພາບວ່າ: ໃນວັນທີ 5 ຕຸລາ ໄດ້ໄປຊື້ຢາບ້າ ຢູ່່ບ້ານຕາດທອງ ເມືອງສີໂຄດຕະບອງ ຈຳນວນ 1.000 ເມັດ,ແຕ່ຍັງບໍ່ທັນໄດ້ຂາຍ ມາຮອດວັນທີ 7 ຕຸລາ ກໍຖືກຈັບພ້ອມຢາບ້າ 1.015 ເມັດ, ເຊີ່ງຢາບ້າ 15 ເມັດ ແມ່ນເຫຼືອຈາກການຂາຍໃນຄັ້ງກ່ອນ.

ຖືກຫາ ຍັງສາລະພາບອີກວ່າ:ໄດ້ເຄື່ອນໄຫວຊື້ຂາຍຢາບ້າ ແຕ່ປີ 2019. ປັດຈຸບັນ ແມ່ນກັກກັນຜູ້ກ່ຽວ ເພື່ອກວດຫາເຊື້ອພະຍາດໂຄວິດ,ພາຍຫຼັງຄົບຕາມກຳນົດ 14 ວັນ ກໍຈະສືບຕໍ່ດຳເນີນຄະດີຕາມກົດໝາຍ.

ຂໍ້ມູນຂ່າວ-ພາບ: ປກສ ນະຄອນຫຼວງວຽງຈັນ