ຊົມເຊີຍ!..ເຈົ້າໜ້າທີ່!. ຈັບຜູ້ກໍ່ເຫດຊິງຊັບໄດ້ 1 ຄົນ

ເວລາປະມານ 02:00 ໂມງ ຂອງວັນທີ 9 ຕຸລາ 2021 ເຈົ້າໜ້າທີ່ ສນ 1191 ຫົວເມືອງ ເມືອງສີໂຄດຕະບອງ ນວ ອອກກວດກາລາດຕະເວນ ຢູ່ໃນຂອບເຂດຄວາມຮັບຜິດຊອບຂອງຕົນ, ພໍມາຮອດເຂດຕະຫຼາດຊັ່ງຈ່ຽງ ພົບເຫັນເປົ້າໝາຍສົງໃສ ຈິ່ງໄດ້ຂໍຄວາມຮ່ວມມືກວດຄົ້ນຕົວ ແຕ່ຜູ້ກ່ຽວໄດ້ເອົາຕົວລົບໜີ ເຈົ້າໜ້າທີ່ຈິ່ງນຳຕົວໄດ້ ມາສອບຖາມ.

ຜ່ານການເອົາຄຳໃຫ້ການເບື້ອງຕົ້ນ ຈິ່ງຮູ້ຊື່ວ່າ ທ້າວ ອາເລັກ ອາຍຸ 16 ປີ ຢູ່ບ້ານຮ່ອງສຸພາບ ເມືອງໄຊເສດຖາ, ຜູ້ກ່ຽວຍັງຮັບສາລະພາບວ່າ ໃນວັນທີ 7 ຕຸລາ 2021 ຕົນ ແລະ ກຸ່ມແກ້ງ 4 ຄົນ ໄດ້ໄປຊິງຊັບຢູ່ແຖວຫຼັກ 16 ເມືອງໄຊທານີ ຈຳນວນ 2 ຄັ້ງ,

ມາຮອດ ຄືນຂອງວັນທີ 8 ຕຸລາ 2021 ຕົນກັບກຸ່ມແກ້ງ ປະມານ 6 ຄົນ ໄດ້ອອກເຄື່ອນໄຫວຊິງຊັບ ແລະ ລັກຊັບອີກ ແຕ່ບໍ່ທັນສຳເລັດ ຖືກເຈົ້າໜ້າທີ່ເຂົ້າຈັບຕົວ ສົ່ງໃຫ້ ປກສ ເມືອງສີໂຄດຕະບອງ.