ຄູ່ຮັກຊາວຣັດເຊຍ ມີເພດສຳພັນກັນຢູ່ຫນ້າປ່ອງຢ້ຽມ ແລ້ວຕົກຈາກຊັ້ນ 9 ຍິງສາວເສຍຊີວິດ

ສຳນັກຂ່າວຕ່າງປະເທດລາຍງານ ເມື່ອວັນທີ່ 17 ກໍລະກົດ 2019 ວ່າເກີດອຸບັດຕິເຫດສະຫລົດ ຫນຸ່ມສາວຊາວຣັດເຊຍຕົກຈາກຫນ້າປ່ອງຢ້ຽມອາພາດເມັ້ນແຫ່ງຫນື່ງ ໃນນະຄອນເຊນປີເຕີສະເບິຣກປະເທດຣັດເຊຍ ຂະນະທັງຄູ່ກຳລັງມີເຊັກກັນຈົນລືມໂຕວ່າຢູ່ແຄມຫນ້າປ່ອງຢ້ຽມຂອງຫ້ອງພັກເທີງຊັ້ນ 9 ຈົນຕົກລົງມາກະແທກພື້ນດ້ານລຸ່ມເປັນເຫດໃຫ້ຜູ້ຍິງເສຍຊີວິດ ເນື່ອງຈາກຫົວກະທົບພື້ນຢ່າງຮຸນແຮງສ່ວນຝ່າຍຊາຍລອດຕາຍວຸດວິດເພາະຕົກມາທັບຮ່າງຜູ້ຍິງອີກເທື່ອຫນື່ງ.

ເພື່ອນຂ້າງຫ້ອງ ແລະ ພະຍານທີ່ເຫັນເຫດການເລົ່າວ່າ ມີການຈັດປາຕີ້ກັນສຽງດັງ ເມື່ອຄືນວັນທີ່ 5 ກໍລະກົດ 2019 ໂດຍພວກຕົນເຫັນໂທລະພາບເຄື່ອງຫນື່ງຕົກລົງມາຈາກຫນ້າປ່ອງຢ້ຽມອາພາດເມັ້ນກ່ອນທີ່ຍິງສາວອາຍຸປະມານ 30 ປີ ແລະຜູ້ຊາຍຫນຸ່ມອາຍຸ 29 ປີ ຈະຕົກລົງມາຈາກຫນ້າປ່ອງຢ້ຽມ ໂດຍຝ່າຍຍິງຫົວກະທົບພື້ນເຮັດໃຫ້ເສຍຊີວິດຄາທີ່

ສ່ວນຜູ້ຊາຍຊື່ງຍັງມີເສື້ອຜ້າສວມໃສ່ຢູ່ຕົກລົງມາທັບຮ່າງຝ່າຍຍິງຈື່ງເຮັດໃຫ້ລອດຊີວິດຈາກການທີ່ເຈົ້າຫນ້າທີ່ຕຳຫຼວດກວດສອບທີ່ເກີດເຫດພົບວ່າ ຍິງສາວຢູ່ໃນສະພາບທ່ອນລຸ່ມເປື່ອຍກາຍປະກອບກັບຈາກການສອບຖາມຄົນທີ່ເຫັນເຫດການເຮັດໃຫ້ຕຳຫຼວດສືບສວນສະຫຼຸບວ່າ ຊາຍຍິງຄູ່ນີ້ມີເພດສຳພັນກັນທີ່ປ່ອງຢ້ຽມກ່ອນຕົກລົງໄປທັງຄູ່

ນອກຈາກນີ້ຂະນະທີ່ເກີດເຫດມີຜູ້ຊາຍອີກສອງຄົນຢູ່ໃນຫ້ອງດ້ວຍ ແຕ່ບໍ່ຄິດວ່າທັງຄູ່ຈະກ່ຽວກັບເຫດຮ້າຍແຮງຄັ້ງນີ້ ຢ່າງໃດກໍ່ຕາມ ເຈົ້າຫນ້າທີ່ຕຳຫຼວດຣັດເຊຍຍັງຄົງດຳເນີນການສືບສວນໃນເລື່ອງນີ້ອາດມີການກໍ່ເຫດຄາດຕະກຳດ້ວຍ.