ໃນສະຖານະການແບບນີ້ ການເສບຂ່າວຢ່າງມີສະຕິກໍເປັນອີກວິທີໜຶ່ງໃນການຊ່ວຍໃຫ້ເຮົາບໍ່ວິຕົກກັງວົນ ແລະ ໄດ້ຮັບຂ່າວສານທີ່ມີມູນຄວາມຈິງ ຮັດໃຫ້ເຮົາປະຕິບັດ ແລະ ເຮັດສິ່ງຕ່າງໆຢ່າງຖືກຕ້ອງ ໂດຍສະເພາະໃນສື່ອອນລາຍທີ່ມີຂໍ້ມູນຫຼາຍໆຢ່າງ ທີ່ມີທັງຖືກຕ້ອງ ແລະ ບໍ່ຖືກຕ້ອງ ກ່ອນໜ້ານີ້ໄດ້ມີສື່ອອນລາຍອອກມາໃຫ້ຂໍ້ມູນວ່າ ຫາກບໍ່ມີອາການແມ່ນບໍ່ຄວນໄປກວດ ເພາະສ່ຽງຕິດເຊື້ອ ຕໍ່ບັນຫາດັ່ງກ່າວ
![](http://kkklao.com/wp-content/uploads/2021/09/7.1-3-682x1024.jpg)
ທ່ານ ດຣ ສີສະຫວາດ ສຸທານີລະໄຊ ຮອງຫົວໜ້າກົມຄອບຄຸມ ພະຍາດຕິດຕໍ່, ກະຊວງສາທາລະນະສຸກ ໄດ້ກ່າວວ່າ ຂ່າວຂໍຮຽກຮ້ອງໃຫ້ບັນດາທ່ານ ໃຫ້ຟັງຂ່າວຢ່າງມີສະຕິ ອັນໃດຄວນເຊື່ອ ແລະ ບໍ່ຄວນເຊື່ອ ເພາະປະຈຸບັນ ມີກະແສຂ່າວໃນສັງຄົມອອນລາຍ ບອກວ່າຖ້າບໍ່ມີອາການ ບໍ່ຄວນໄປກວດເດັດຂາດ ເຖິງຈະເປັນຜູ້ສໍາພັດໃກ້ສິດ ຫຼື ໃນກຸ່ມສ່ຽງກໍ່ຕາມ ເພາະວ່າອາດເຮັດໃຫ້ຜູ້ໄປກວດຕິດເຊື້ອ ເວລາກວດຊອກຫາເຊື້ອ.
![](http://kkklao.com/wp-content/uploads/2021/09/7.2-3-1024x683.jpg)
ຂໍ້ມູນດັ່ງກ່າວບໍ່ແມ່ນຄວາມຈິງ! ປະຈຸບັນນີ້ ຜູ້ຕິດເຊື້ອທີ່ບໍ່ສະແດງອາການກໍ່່ມີຫຼວງຫຼາຍໃນທຸກໆປະເທດທີ່ມີການລະບາດ ແລະ ມີວິທະຍາສາດຢັ້ງຢືນ.
ຖ້າທ່ານສ່ຽງ ຫຼື ສໍາພັດໄກ້ຊິດກັບຜູ້ຕິດເຊື້ອ ທ່ານຈະມີອາການ ຫຼື ບໍ່ມີອາການກໍ່ຕາມ ຂໍໃຫ້ໄປກວດທັນທີ ແລະ ຈໍາກັດຕົນເອງຈົນຄົບ 14 ວັນ.
![](http://kkklao.com/wp-content/uploads/2021/09/7.3-2-1024x683.jpg)
ທັງນີ້ກໍເພື່ອຄວາມປອດໄພຂອງເຮົາ ແລະ ຄົນໃກ້ຊິດຂອງເຮົາເອງ ແລະ ຂໍໃຫ້ທຸກຄົນ ພ້ອມໃຈກັນປະຕິບັດມາດຕະການນໍາກັນຢ່າງເຄັ່ງຂັດ ແລະ ເຕືອນປະຊາຊົນຜູ້ເສບຂ່າວໃຫ້ຕິດຕາມຂ່າວທາງການທີ່ເຊື່ອຖືໄດ້ເທົ່ານັ້ນ
ທີມາ: ເສດຖະກິດການຄ້າ
Discussion about this post