ວັນທີ່ 24 ຕຸລາ 2561 ເວັບໄຊໄອເລີຟມາຍດັອກໂຊມັດ (I love My dog so much) ໄດ້ແຊເລື່ອງລາວຂອງຊາຍຫນຸ່ມຊາວຈີນຄົນຫນຶ່ງ ທີ່ຂັບລົດໄປຕຳເຂົ້າກັບວັດຖຸປິດສະຫນາຢູ່ຫົນທາງ ແຕ່ດ້ວຍຄວາມທີ່ ລາວບໍ່ທັນຄິດວ່າແມ່ນຫຍັງຈຶ່ງບໍ່ໄດ້ລົງໄປເບິ່ງ.
ກ່ອນຈະຂັບລົດຕໍ່ມາເລື່ອຍໆ ຈາກຈຸດທີ່ຕຳປະມານ 248 ໄມຫລືປະມານ 400 ກິໂລແມັດ ກ່ອນຈະໄດ້ຍິນສຽງຂອງຫມາໂຕຫນຶ່ງເຫົ່າດັງມາຈາກຫນ້າລົດ ຈຶ່ງໄດ້ຮູ້ວ່າມີຫມາຕິດມາ ກັບກັນຊົນຫນ້າລົດຂອງລາວ ສິ່ງສໍາຄັນຄືມັນຍັງມີຊີວິດຢູ່
ລາຍງານລະບຸວ່າ ເຫດການນີ້ເກີດຂຶ້ນລະຫວ່າງທີ່ຊາຍຫນຸ່ມຊາວຈີນຄົນນີ້ຂັບລົດໃຫຍ່ສ່ວນຕົວອອກເດີນທາງໃນທິບທ່ອງທ່ຽວຂອງລາວ ໂດຍຫນຸ່ມຄົນດັ່ງກ່າວເລົ່າວ່າ “ຕອນທີ່ຕຳໝາໂຕນີ້ລາວຂັບລົດມາຂ້ອນຂ້າງໄວ ແລະ ຄິດວ່າມັນອາດຖືກຕຳຕາຍ ຫລື ກະເດັນຕົກຂ້າງທາງໄປແລ້ວ ເລີຍບໍ່ໄດ້ລົງໄປເບິ່ງ” ສຸດທ້າຍຊາຍຫນຸ່ມຄົນຂັບລົດຄົນນີ້ໄດ້ນໍາເອົາຫມານ້ອຍໂຕນີ້ກັບໄປລ້ຽງທີ່ບ້ານຂອງລາວ.
Discussion about this post