ງານລ້ຽງ ມໍລະນະ ຮ້ານອາຫານສອງຊັ້ນໃນປະເທດຈີນ ພັງຖະລົ່ມ ເສຍຊີວິດ 29 ຄົນ

ເມື່ອວັນທີ່ 30 ເດືອນ ສິງຫາ Globaltimes ລາຍງານວ່າ: ເຫດອາຄານສອງຊັ້ນຂອງຮ້ານອາຫານຖະລົ່ມລົງ
ມາ ທີ່ເມືອງ ຫຼິນເຝິນ ມົນທົນຊານຊີ ທາງຕອນເໜືອຂອງປະເທດຈີນ ໃນຊ່ວງຕອນເຊົ້າຂອງວັນເສົາທີ່ 29 ເດືອນ ສິງຫາ ທີ່ຜ່ານມາ

ຂະນະເກີດເຫດມີງານລ້ຽງຄົບຮອບວັນເກີດ ເຊີ່ງແຂກສ່ວນຫຼາຍເປັນຍາດພີ່ນ້ອງກັນ ແລະ ເພື່ອນຮ່ວມງານຂອງເຈົ້າຂອງວັນເກີດ ໂດຍຊັ້ນໜື່ງຂອງອາຄານເລີ່ມຖະລົ່ມກ່ອນ ແລ້ວຈື່ງຕາມມາດ້ວຍຊັ້ນສອງ

ເຈົ້າໜ້າທີ່ໄດ້ເຂົ້າການຊ່ວຍເຫຼືອຜູ້ທີ່ຕິດຢູ່ໃນອາຄານ ຈົນເຖີງເວລາ 03:52 ຂອງວັນທີ່ 30 ເດືອນ ສິງຫາ ເຈົ້າໜ້າທີ່ສາມາດຊ່ວຍຄົນທີ່ຕິດຢູ່ໃນຊາກອາຄານອອກມາໄດ້ 57 ຄົນ ໃນຈຳນວນນີ້ໄດ້ຮັບການຢືນຢັນວ່າເສຍຊີວິດພາຍຫຼັງ 29 ຄົນ ,ບາດເຈັບສາຫັດ 7 ຄົນ ແລະ ບາດເຈັບພຽງເລັກນ້ອຍ 21 ຄົນ.