ເຂົ້າກວດກາອາພາດເມັ້ນພົບເຫັນຈຳນວນ 16 ຄົນ ຍິງ 5 ຄົນ ພາກັນຕັ້ງວົງຊຸມແຊວເຫຼົ້າເບຍ

ວັນທີ 25 ກັນຍາ ນີ້,ເວລາປະມານ 1:30 ໂມງ,ປກສ ກຸ່ມໜອງທາ ເມືອງຈັນທະບູລີ ນວ ຮ່ວມກັບການຈັດຕັ້ງບ້ານໜອງທາ ເຂົ້າກວດກາອາພາດເມັ້ນ ຢູ່່ບ້ານຫ້ວຍຫົງ ນວ ພົບເຫັນກຸ່ມຄົນທີ່ລະເມີດຄຳສັ່ງ ເລກທີ 016/ຈນວ, ຈຳນວນ 16 ຄົນ ຍິງ 5 ຄົນ ພາກັນຕັ້ງວົງຊຸມແຊວເຫຼົ້າເບຍ ຈຶ່ງໄດ້ສຶກສາອົບຮົມກ່າວເຕື່ອນ ເຮັດບົດບັນທຶກ,ພ້ອມນຳໃຊ້ມາດຕະການປັບໃໝ.

ສ່ວນເຈົ້າຂອງອາພາດເມັ້ນ ຈະເຊີນຂຶ້ນຫ້ອງການກຸ່ມ ແລະ ຈະປະຕິບັດຕາມຄຳສັ່ງເລກທີ 016/ຈນວ ຢ່່າງເຂັ້ມງວດ.

ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງເຈົ້າຂອງກິດຈະການ ໃຫ້ເປັນເຈົ້າການໃນການປ້ອງກັນ ສະກັດກັ້ນການແພ່ລະບາດໂຄວິດ,ຖ້າເມີນເສີຍປ່່ອຍໃຫ້ເຄຫາ ສະຖານທີ່ຕົນເອງຮັບຜິດຊອບເປັນບ່ອນຕັ້ງວົງຊຸມແຊວເຫຼົ້າເບຍ ທີ່ເປັນສາເຫດເຮັດໃຫ້ການແພ່ລະບາດໂຄວິດ.

ຖ້າລະເມີດ.ເຈົ້າໜ້າທີ່ກວດພົບ ຈະດຳເນີນຕາມລະບຽບຫຼັກການຢ່່າງເຂັ້ມງວດ ແລະ ບໍ່ມີຂໍ້ຍົກເວັ້ນ.ສະນັ້ນ ຮຽກຮ້ອງສັງຄົມ ຖ້າພົບເຫັນການລະເມີດ ໃຫ້ລາຍງານມາເບີວອດແອັບ ປກສ ນະຄອນຫຼວງວຽງຈັນ 020 28 899 774

ທີ່ມາ: ຂ່າວ-ພາບ: ປກສ ນະຄອນຫຼວງວຽງຈັນ