ຄວາມເຊື່ອບູຮານ 6 ວັນຕ້ອງຫ້າມ ເຮັດແລ້ວຈະບໍ່ມີໂຊກ-ລາບ ເປັນຄວາມເຊື່ອສ່ວນບຸກຄົນຂໍໃຫ້ໃຊ້ວິຈາລະນະຍານໃນການອ່ານ

ນັບແຕ່ບູຮານນະການມາແລ້ວ ທີ່ຄົນລາວມີຂໍ້ຫ້າມຕາມຄວາມເຊື່ອ ເຊິ່ງໄດ້ຖືປະຕິບັດສືບຕໍ່ກັນມາຈົນເຖິງປັດຈຸບັນ ເຖິງວ່າບາງຄວາມເຊື່ອ ຈະເລີ່ມຫາຍໄປ ຕາມຍຸກ-ສະໄໝນິຍົມ ແຕ່ບາງຄວາມເຊື່ອກໍ່ຍັງຄົງຫຼໍ່ຫຼອມໃຫ້ຢູ່ໃນປະເພນີຂອງຄົນລາວມາຈົນເຖິງທຸກວັນນີ້

1. ຄົນສະໄໝບູຮານ ມີຄວາມເຊື່ອກ່ຽວກັນວັນຫ້າມເຮັດສິ່ງຕ່າງໆທັງ 6 ວັນດັ່ງຕໍ່ໄປນີ້
2. ຫ້າມຂຶ້ນເຮືອນໃໝ່ວັນເສົາ
3. ຫ້າມເຜົາຜີວັນສຸກ (ຄົນຕາຍ) ເພາະວັນສຸກເປັນວັນແຫ່ງໂຊກລາບ, ຄວາມສຸກ, ຄວາມລື່ນເລີງ ດັ່ງມີຄຳກ່າວທີ່ວ່າ ເຜົາຜີວັນສຸກ ໃຫ້ທຸກແກ່ຄົນຍັງ (ຄົນທີ່ຍັງມີຊີວິດ)

4. ຫ້າມແຖຫົວວັນອັງຄານ ເພາະຖືວ່າເປັນວັນແຂງ ອາດຈະເກີດອຸບັດຕິເຫດຈົນເລືອດຕົກຢາງອອກໄດ້
5. ຫ້າມແຕ່ງດອງວັນພຸດ ເພາະຄົນສະໄໝບູຮານຖືວ່າວັນພຸດເປັນວັນທີ່ບໍ່ມີຈຸດໝາຍປາຍທາງ ຫາກມີການໝັ້ນໝາຍ ຫຼື ແຕ່ງດອງຈະເຮັດໃຫ້ຊີວິດຄູ່ ເກີດການພິກຜັນ ບໍ່ໝັ້ນຄົງ ສຸດທ້າຍແລ້ວກໍ່ອາດຢ່າຮ້າງເລີກລາກັນໄປ

6. ຫ້າມຕັດຜົມວັນພຸດ ເຊັ່ນ ຕັດຜົມ ເພາະຖືວ່າວັນພຸດເປັນວັນແຕກໜໍ່ຈະເລີນເຕີບໂຕ ຈຶ່ງຫ້າມຕັດຜົມ, ຕັດຕົ້ນໄມ້ ດ້ວຍເຫດນີ້ ຮ້ານຕັດຜົມຈຶ່ງມັກປິດວັນພຸດນັ້ນເອງ ຫ້າມຖອນວັນພະຫັດ ເປັນວັນທີ່ອຸດົມສົມບູນ ມີຄວາມໝັ້ນຄົງມັ່ງຄັ່ງ

7.ຫ້າມຖອນຕົ້ນໄມ້ ຫ້າມຖອນເສົາເຮືອນ ຫຼື ທຳການຍົກຍ້າຍສິ່ງຂອງໃດໆທີ່ສຳຄັນ ອີກທັງຍັງຖືວ່າ ວັນພະຫັດເປັນວັນຄູ່ອີກວັນໜຶ່ງ ທີ່ຫ້າມເຮັດການມົງຄຸນໃດໆ ກໍ່ຄືວັນທີ່ເກີດຈັນທະຄາດ ແລະ ສຸລິຍະຄາດ ໃນໄລຍະກ່ອນ ແລະ ຫຼັງວັນດັ່ງກ່າວ 15 ວັນ ຫ້າມທຳການມົງຄຸນໃດໆເດັດຂາດ.