ຍິງສາວຄົນອັງກິດ ຂາຍຖົງຕີນເໝັນ ລາຍຮັບປີລະ 1ຕື້ກີບ

ເວັບໄຊຂ່າວ ແລະ ສາລະບັນເທິງອັງກິດ “ເມໂທ” ລາຍງານຈາກກຸງລອນດອນ ປະເທດອັງກິດ ເມື່ອວັນທີ່ 8 ພະຈິກວ່າ ນາງ ລັອດຊີ ໄຊເຄດ ອາຍຸ 33 ປີ ຊາວກຸງລອນດອນໄດ້ເຜີຍວ່າ ຫາລາຍໄດ້ປີລະ100,000 ປອນອັງກິດ 4.3 ລ້ານບາດ) ຈາກການຂາຍຖົງຕີນ, ເກີບ ແລະ ໃຊ້ແລ້ວຈົນມີກິ່ນ ໃຫ້ກັບພວກມັກດົມເທິງໂຊຊຽວ ລາວກ່າວວ່າ ລາວສາມາດເລີ່ມເຂົ້າໄປຫາລາຍໄດ້ຈາກສັງຄົມຜູ້ມີລົດນິຍົມແບບນີ້ ຫລັງຈາກມີໝູ່ຂອງລາວຄົນໜຶ່ງ ບອກວ່າ ຕີນຂອງລາວງາມ ແລະ ໝູ່ຂອງລາວໄດ້ແນະນໍາໃຫ້ລາວເປີດຊ່ອງທາງໂຊຊ້ຽວມີເດຍ ເພື່ອເອົາຕີນຂອງລາວໄປໂພດ ໂດຍທີ່ຕັ້ງເພກ ເພື່ອຈະໂຊຕີນຂອງລາວເອງ

ໃນຕອນທໍາອິດລາວຍັງບໍ່ໄດ້ຂາຍອຸປະກອນທີ່ກ່ຽວຂ້ອງກັບຕີນ ແຕ່ຫລັງຈາກນັ້ນບໍ່ດົນມີຄົນຕິດຕາມໃນເພກຂອງລາວຈໍານວນຫລາຍຂຶ້ນເລື່ອຍໆ ຈົນກະທັ່ງມີຜູ້ຕິດຕາມແລ້ວປະມານ 10,000 followers ພາຍໃນຫນຶ່ງເດືອນ ພວກເຂົາເລີ່ມຮຽກຮ້ອງໃຫ້ລາວຂາຍສິ່ງທີ່ລາວໃຊ້ແລ້ວໃຫ້ກັບລູກເພກ ລາວຈຶ່ງລອງເຮັດຕາມຄໍາຮຽກຮ້ອງ

ລອດຊີຈຶ່ງເລີ່ມຂາຍຖົງຕີນທີ່ໃຊ້ແລ້ວຫນຶ່ງວັນໃນລາຄາ 20 ປອນອັງກິດ / ຄູ່ (860 ບາດ) ເກີບໃຊ້ແລ້ວສອງເດືອນລາຄາ 200 ປອນອັງກິດ / ຄູ່ (8,600 ບາດ) ແລະ ຈົນເຖິງຕອນນີ້ເຈົ້າເຮັດທຸລະກິດນີ້ມາສີ່ປີແລ້ວ ໂດຍທີ່ບາງເດືອນມີລາຍໄດ້ຫລາຍເຖິງ 8,000 ປອນອັງກິດ (344,000 ບາດ) ແລະນອກຈາກຖົງຕີນ, ເກີບ ລາວຍັງຂາຍຄລິບທີ່ກ່ຽວກັບຕີນ ເຊັ່ນ ຄລິບເຄື່ອນໜັງນິ້ວຕີນໄປມາ ບາງຄລິບຈະຢູ່ທີ່ລາຄາ 100 ປອນອັງກິດ
ເມື່ອມີຜູ້ຕ້ອງການຂອງໃຊ້ທີ່ລາວໃຊ້ແລ້ວຫລາຍຂຶ້ນ

ລອດຊີຈຶ່ງຍ້າຍໄປເປີດເວັບໄຊໃຫມ່ເຮັດລາຍໄດ້ 2,000 ປອນອັງກິດ (86,000 ບາດ) ພາຍໃນຫນຶ່ງອາທິດລອດຊີກ່າວວ່າ ລາວຈະໄມ່ຫຍຸດທຸລະກິດນີ້ເດັດຂາດເພາະລາຍໄດ້ດີຫລາຍ ເຖິງວ່າຈະຖືກຕໍາຫນິ ແລະ ບໍ່ໄດ້ຮັບການຍອມຮັບ ໃນຫລາຍຄັ້ງ ທັງນີ້ລາວເປີດໃຫ້ຄໍາແນະນໍາສໍາຫລັບຜູ້ທີ່ຕ້ອງການເຈາະຕະຫຼາດຄົນທີ່ມີລົດນິຍົມແປກແບບລາວເພື່ອສ້າງລາຍໄດ້ເຊິ່ງຂະນະນີ້ ມີຄົນສົນໃຈເປັນຈໍານວນຫລາຍ.