ວັນດຽວກັກເປົ້າໝາຍລັກຊັບໄດ້ 2 ຄົນ

ວັນທີ 20 ກັນຍາ 2021 ເຈົ້າໜ້າທີ່ ພະແນກຕຳຫຼວດ ປກສ ເມືອງສີສັດຕະນາກ ເຂົ້າກັກຕົວເປົ້າໝາຍລັກຊັບໄດ້ 2 ຄົນຄື:1. ທ້າວ ຫຼ້າ ອາຍຸ 28 ປີ ກຳມະກອນ ຢູ່ບ້ານບຶງຂະຫຍອງ ເມືອງສີສັດຕະນາກ ນວ ອາໃສຄວາມລຶ້ງເຄີຍສະຖານທີ່ເຂົ້າໄປລັກຊັບຢູ່ຮ້ານສ້ອມແປງລົດຈັກຮ້ານ ຈິລາວັນ ຕັ້ງຢູ່ບ້ານໂພນສີນວນ ເມືອງສີສັດຕະນາກ ນວ ຜ່ານມາຜູ້ກ່ຽວເຄີຍເຮັດວຽກຢູ່ນຳຮ້ານດັ່ງກ່າວ ແລະ ໄດ້ເຄື່ອນໄຫວລັກຊັບມາແລ້ວ 3 ຄັ້ງ; ຄັ້ງທີ່ 1 ທ້າຍກາງເດືອນກໍລະກົດ; ຄັ້ງທີ່ 2 ກາງທ້າຍເດືອນສິງຫາ ຜ່ານມາ 2 ຄັ້ງເຈົ້າຂອງຮ້ານບໍ່ໄດ້ແຈ້ງຄວາມແລະ ຄັ້ງທີ່ 3 ວັນທີ່ 17 ກັນຍາ 2021 ຈຶ່ງຖືກເຈົ້າໜ້າທີ່ ປກສ ເມືອງສີສັດຕະນາກ ຕິດຕາມເຂົ້່າກັກຕົວ ຍ້ອນເຈົ້າຂອງຮ້ານແຈ້ງຄວາມຜົນເສຍຫາຍລວມມີ: ຢາງນອກລົດຈັກ 10 ເສັ້ນມູນຄ່າ 35,000ບາດ; ຢາງໃນລົດຈັກ 10 ເສັ້ນມູນ 1,700 ບາດ, ໝໍ້ໄຟ 07 ໜ່ວຍ ມູນຄ່າ 4,000 ບາດ ແລະ ເງິນສົດ 30,000,000 ກີບ.2. ທ້າວ ຈິ້ມ ອາຍຸ 24 ປີ ກຳມະກອນ ພັກເຊົາຢູ່ບ້ານດອນກອຍ ໄດ້ເຂົ້າໄປລັກເຫຼັກ ແລະ ສາຍໄຟ ຢູ່ເຂດບ້ານດອນກອຍ ເມືອງສີສັດຕະນາກຖືກເຈົ້າໜ້າທີ່ເຂົ້າກັກໃນວັນທີ 20 ກັນຍາ 2021. ຮ່ວມແຮງຮ່ວມໃຈຕ້ານການແຜ່ລະບາດພະຍາດໂຄວິດ-19 ໃຫ້ໝົດໄປແລະ ພ້ອມກັນປະຕິບັດພັນທະຊ່ວຍເຈົ້າໜ້າທີ່ ຖ້າພົບເຫັນມີການລະເມີດໃຫ້ແຈ້ງຂໍ້ມູນຜ່ານຊ່ອງທາງເບີວອບແອັບ 020 28899774

ທີ່ມາ: ປ້ອງກັນຄວາມສະຫງົບນະຄອນຫຼວງ