ເຕືອນກັນອີກແດ່ເດີ! ຍັງມີຫຼາຍຄົນເດີນທາງອອກມາ

ວັນຈັນ, ວັນທີ 21ກັນຍາ2021,

ເຕືອນກັນອີກແດ່ເດີ! ຍັງມີຫຼາຍຄົນເດີນທາງອອກມາ!ລາຍງານສົດໆ! ປິດການສັນຈອນ ທາງເຂດຕະຫຼາດຫົວຂົວ ຮອດ 30 ກັນຍາ 2021ຫ້າມສັນຈອນເດັດຂາດ ຂໍໃຫ້ປະຊາຊົນ ນະຄອນຫຼວງວຽງຈັນທຸກທ່ານ ໃຫ້ການຮ່ວມມື# ແຍກຕະຫຼາດຫົວຂົວ

ຊົມຄລີບ1

ຊົມຄລີບ2

ຢູ່ນະຄອນຫລວງວຽງຈັນ ເປັນມື້ທີສອງຂອງການປະຕິບັດຄໍາສັ່ງເລກທີ 016/ຈນວ, ລົງວັນທີ 19/9/2021 ວ່າດ້ວຍການປ້ອງກັນ, ຄວບຄຸມ ແລະ ແກ້ໄຂ ການລະບາດຂອງໂຄວິດ19 ແຕ່ວັນທີ 19-30/9/2021.

ພຶດຕິກຳຕົວຈິງ ເຫັນວ່າ ຍັງເປັນສິ່ງທ້າທາຍ ແລະ ຫຍຸ້ງຍາກພໍສົມຄວນ ໃຫ້ແກ່ການປະຕິບັດໜ້າທີ່ຢູ່ບັນດາຈຸດກວດຕາມຖະໜົນຕ່າງໆ, ທັງນີ້ກໍ່ເພາະວ່າ ເປັນມື້ເລີ່ມວຽກໃນອາທິດ ຊຶ່ງພະນັກງານລັດຖະກອນ…

ຈຳນວນໜຶ່ງບອກວ່າ ຈຳເປັນຕ້ອງອອກໄປຫ້ອງການ ເພື່ອແກ້ວຽກທີ່ຍັງຄ້າງ ແລະ ຕ້ອງສະຫລຸບລາຍງານ…ໃນຂະນະດຽວກັນ ຈຳນວນບໍ່ໜ້ອຍຍັງຈໍາເປັນອອກໄປເຮັດວຽກຕາມມອບໝາຍ…

ຫລາຍຄົນກໍ່ຫວັງຢ່າງຍິ່ງວ່າ ໃນວັນທີສາມຂອງການປະຕິບັດມາດຕະການປ້ອງກັນໂຄວິດ-19 ຕາມແຈ້ງການເລກທີ 016/ຈນວ ຈະມີຄວາມເຂັ້ມງວດຂຶ້ນຕື່ມ, ທຸກຄົນປະກອບສ່ວນຢ່າງເປັນຮູບປະທໍາ ໃນການຢູ່ບ້ານຢູ່ເຮືອນ ເພື່ອຈຳກັດຄວາມສ່ຽງການຕິດແປດ-ແພ່ເຊື້ອໂຄວິດ-19 ທີ່ພວກເຮົາພວມຜະເຊີນໜ້າ.

ການປະຕິບັດບັນດາມາດຕະການປ້ອງກັນ, ຄວບຄຸມ ແລະ ສະກັດກັ້ນການລະບາດຂອງໂຄວິດ-19 ຢ່າງເຂັ້ມງວດ ແມ່ນໜ້າທີ່ພັນທະຂອງທຸກຄົນ. ອີກປະການສໍາຄັນ ໃນຍາມຫຍຸ້ງຍາກນີ້

ພວກເຮົາຕ້ອງສືບຕໍ່ຄວາມສາມັກຄີພາຍໃນໃຫ້ເປັນປຶກແຜ່ນ, ອູ້ມຊູຊ່ວຍເຫລືອກັນຜ່ານຜ່າ, ຮັກສາຄວາມສະຫງົບ, ຕິດຕາມຂໍ້ມູນຂ່າວສານທີ່ເປັນທາງ, ບໍ່ໃຊ້ສື່ສັງຄົມອອນລາຍ ບິດເບືອນຄວາມຈິງ ທີ່ພາໃຫ້ເກີດຄວາມສັບສົນ, ສ້າງເຂົ້າໃຈຜິດເຂວໃຫ້ສັງຄົມ ຢ່າງເດັດຂາດ.