ລັດວິສາຫະກິດການບິນລາວແຈ້ງປິດເສັ້ນທາງບິນພາຍໃນປະເທດທຸກໆເສັ້ນທາງ

ອີງຕາມຄໍາສັ່ງຂອງທາງເຈົ້າຂອງນະຄອນຫຼວງວຽງຈັນ ແລະ ສະພາບການແຜ່ລະບາດຂອງພະຍາດໂຄວິດ 19 ທີ່ທຸກຄົນຕ້ອງໄດ້ພ້ອມກັນປະຕິບັດມາດຕະການ ບໍ່ຈໍາເປັນບໍ່ໃຫ້ອອກຈາກບ້ານເຮືອນ, ໃຫ້ເຮັດວຽກຢູ່ເຮືອນ ແລະ ຫ້າມເດີນທາງໄປຕ່າງແຂວງ, ຕ່າງປະເທດ ລວມທັງຫ້າມບໍ່ໃຫ້ເດີນທາງເຂົ້າມາປະເທດ ແລະ ນະຄອນຫຼວງວຽງຈັນ

ດັ່ງນັ້ນທາງລັດວິສາຫະກິດການບິນລາວຈຶ່ງໄດ້ແຈ້ງປິດສາຍການການບິນທຸກສາຍ ເປັນການຊົ່ວຄາວ ໂດຍລະບຸວ່າ
ເພື່ອເປັນການປະຕິບັດຕາມແຈ້ງການເລກທີ 1187/ຫສນຍ ລົງວັນທີ່ 18 ກັນຍາ 2021 ວ່າດ້ວຍທິດຊີ້ນຳຕໍ່ກັບສະພາບການລະບາດຂອງພະຍາດ Covid-19 ຢູ່ນະຄອນຫຼວງວຽງຈັນ ແລະ ມາດຕະການປ້ອງກັນ ຄວບຄຸມ ແລະ ແກ້ໄຂການລະບາດ ພວກເຮົາຈຳເປັນຕ້ອງ ໄດ້

ຢຸດໃຫ້ບໍລິການ ເສັ້ນທາງບິນພາຍໃນປະເທດທຸກໆເສັ້ນທາງ ເປັນການຊົ່ວຄາວ ຕັ້ງແຕ່ວັນທີ່ 20 ກັນຍາ 2021 ເປັນຕົ້ນໄປ ຈົນກ່ວາຈະມີການແຈ້ງປ່ຽນແປງໃໝ່

ຂໍອະໄພໃນຄວາມບໍ່ສະດວກມານະທີ່ນີ້ດ້ວຍ
ທັງນີ້ກໍເພື່ອປ້ອງກັນ ການລະບາດ ແລະ ແຜ່ລາມເຊື້ອໄປຫຼາຍກວ່ານີ້ ເພາະນະຄອນຫຼວງວຽງຈັນ ມີກໍລະນີຜູ້ຕິດເຊື້ອໃນຊຸມຊົນສູງ ຈໍາເປັນຕ້ອງເຝົ້າລະວັງ ແລະ ລ໊ອກດາວເພື່ອຄວາມປອດໄພ

ທີ່ມາ: ເສດຖະກິດການຄ້າ