ກັກໄວລຸ້ນ ມົ້ ວ ສຸ ມ ຢ າ ເ ສ ບ ຕິ ດ ໄດ້ ຍ້ອນປະຊາຊົນໃຫ້ຄວາມຮ່ວມມື

ເວລາ 21: 00 ໂມງ ຂອງວັນທີ 02 ກັນຍາ 2021 ປກສ ກຸ່ມບ້ານໄຊ ເມືອງໄຊທານີ ນະຄອນຫຼວງວຽງຈັນ ໄດ້ຮັບການລາຍງານຈາກປະຊາຊົນວ່າ: ມີກຸ່ມໄວລຸ້ນຕັ້ງວົງຊຸມແຊວ ແລະ ມົ້ ວ ສຸ ມ ຢ າ ເ ສ ບ ຕິ ດ ປະເພດ ຢ ບ ຢູ່ບ້ານພັກແຫ່ງໜື່ງເຂດບ້ານ ດອນໜູນ ເມືອງໄຊທານີ ນະຄອນຫຼວງວຽງຈັນ.

ຜ່ານການລົງຕິດຕາມເກັບກຳບັນດາຂໍ້ມູນຂອງ ເຈົ້າໜ້າທີ່ ປກສ ກຸ່ມບ້ານໄຊເຫັນວ່າມີການເຄື່ອນໄຫວ ມົ້ ວ ສຸ ມ ຕາມການແຈ້ງທີ່ປະຊາຊົນລາຍງານ ຈຶ່ງໄດ້ສົມທົບກັບອຳນາດການປົກຄອງບ້ານ ດອນໜູນ ເມືອງໄຊທານີ ນວ ລົງກວດກາບ້ານພັກດັ່ງກ່າວ ຢູ່ເຂດບ້ານ ດອນໜູນພົບເຫັນໄວລຸ້ນຈຳນວນ 05 ຄົນ, ຍິງ 02 ຄົນ ພ້ອມຂອງກາງປະເພດອຸປະກອນ ເ ສ ບ ຢ າ ເ ສ ບ ຕິ ດ 01 ອັນ,ເຈົ້າໜ້າທີ່ ປກສ ກຸ່ມບ້ານໄຊ ໄດ້ມອບໃຫ້ອຳນາດການປົກຄອງບ້ານ ດອນໜູນ ສຶກສາອົບຮົມ ແລະ ຜູ້ປົກຄອງນຳໄປສຶກສາອົບຮົມ ເພື່ອບໍ່ໃຫ້ກະທຳຜິດໃໝ່ອີກ.

ຕໍ່ກັບບັນຫາດັ່ງກ່າວ ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງທຸກຊັ້ນຄົນໃນສັງຄົມ ຈົ່ງປະຕິບັດສິດພັນທະ ແລະ ໜ້າທີ່ຂອງຕົນຊ່ວຍກັນປະກອບສ່ວນເຂົ້າໃນວຽກງານຮັກສາຄວາມເປັນລະບຽບຮຽບຮ້ອຍທົ່ວສັງຄົມ ຖ້າເຫັນວ່າສະຖານທີ່ໃດມີການຕັ້ງວົງຊຸມແຊວ ແລະ ມົ້ ວ ສຸ ມ ຢ າ ເ ສ ບ ຕິ ດ ຈົ່ງຊ່ວຍແຈ້ງອຳນາດການປົກຄອງ ບ່ອນໃກ້ສຸດ ແລະ ປກສ ເມືອງ ຫຼືສາມາດແຈ້ງຜ່ານເບີວອດແອັບ02028899774ຫຼືແຈ້ງຜ່ານຊ່ອງທາງເຟສບຸກປ້ອງກັນຄວາມສະຫງົບນະຄອນຫຼວງວຽງຈັນ.

ທີ່ມາ: ປ້ອງກັນຄວາມສະຫງົບ ນະຄອນຫຼວງ