ແຈ້ງການນັບແຕ່ມື້ນີ້ໄປເລີມຫັກອາກອນ (ທຸກສາຂາ)

ຕາມການແຈ້ງການຂອງກົມສວຍອາກອນປະຈຳແຂວງ ບໍ່ແກ້ວ ເລກທີ 275/ສອຂ.ບກ ລົງວັນທີ 10/08/2021

-ອິງຕາມກົດໝາຍວ່າດ້ວຍອາກອນລາຍໄດ້ສະບັບເລກທີ 67/ສພຊ, ລົງວັນທີ 18 ມີຖຸນາ 2019 ໃນມາດຕາ 39 ຂໍ້ທີ 4 ຂິດໜ້າ 1 ຂອງກົດໝາຍສະບັບນີ້

-ອິງຕາມ ບົດເນາະນຳ ຈັດຕັ້ງປະຕິບັດກົດໝາຍວ່າດ້ວຍອາກອນລາຍໄດ້ ສະບັບເລກທີ່ 0819/ກງ, ລົງວັນທີ10 ກຸມພາ 2021 ໃນມວດທີ 8 ມາດຕາ 60;

-ອິງຕາມ ບົດເນາະນຳຂອງເຈົ້າແຂວງບໍ່ແກ້ວ ສະບັບເລກທີ 150/ຈຂ-ບກ, ລົງວັນທີ 15 ກຸມພາ 2021 ວ່າດ້ວຍການຈັດຕັ້ງປະຕິບັດແຜ່ນງົມປະມານຂອງແຂວງປະຈຳປີ 2021

ເພື່ອໃຫ້ຮັບປະກັນເສຍອາກອນລາຍໄດ້ ຈາກການຖືກຫວຍເປັນເງິນ ຫຼື ວັດຖຸ ຖືກຈັດຕັ້ງປະຕິບັດ ຕາມລະບຽບກົດໝາຍທີ່ໄດ້ກຳນົດໄວ້

ແລະ ມີຄວາມເປັນເອກະພາບໃນຂອບເຂດທົ່ວປະເທດ ເວົ້າລວມ ເວົ້າສະເພາະພາຍໃນແຂ້ວງບໍ່ແກ້ວ

ສ່ວຍອາກອນປະຈຳແຂວງບໍ່ແກ້ວ ຂໍຖືເປັນກຽດມາຍັງບັນດາທ່ານ ຢູ່ໃນຂອບເຂດຂອງແຂວງບໍ່ແກ້ວ ຊາບວ່າ: ນັບແຕ່ນີ້ເປັນຕົ້ນໄປ ແມ່ນຈະໄດ້ຄິດໄລ່, ຫັກລາຍໄດ້ອາກອນນຳບຸກຄົນ,

ນິຕິບຸກຄົນ ຫຼື ການຈັດຕັ້ງທີ່ຖືກຫວຍເປັນເງິນ ຫຼື ວັດຖຸ ມອບເຂົ້າງົບປະມານຂອງລັດ ຕາມລະບຽບກົດໝາຍທີ່ໄດ້ກຳນົດໄວ້ ດັ່ງລຸ່ມນີ້:

1 ບຸກຄົນ, ນິຕິບຸກຄົນ ຫຼື ການຈັດຕັ້ງທີ່ຖືກຫວຍເປັນເງິນ ຫຼື ວັດຖຸ ຕ້ອງໄດ້ເສຍອາກອນລາຍໄດ້ 5% ຂອງລາຍໄດ້ທັງໝົດຈາກການຖືກຫວຍ (ຈຳນວນລ້າງວັນຖືກຫວຍທັງໝົດ);

2ມອບໃຫ້ສາຂາ ຫຼື ຕົວແທນ ຈຳໜ່າຍຫວຍປະເພດຕ່າງໆ ຢູ່ພາຍໃນແຂວງບໍ່ແກ້ວ ເປັນຜູ້ຄິດໄລ່ ຫັກອາກອນໄວ້ຈາກຜູ້ຖືກຫວຍໃນແຕ່ລະຄັ້ງ,

ແລ້ວສັງລວມ ແລະ ແຈ້ງ-ມອບຈຳນວນເງິນທີ່ຫັກໄວ້ ຕໍ່ເຈົ້າໜ້າທີ່ສ່ວຍອາກອນ ທີ່ຂື້ນກັບໃຫ້ຄົບຖ້ວນ ກ່ອນວັນທີ່ 20 ຂອງເດືອນຖັດໄປ ໝາຍວ່າ ເດືອນໜື່ງແຈ້ງ-ມອບ 01 ຄັ້ງ

3 ກໍລະນີບໍ່ຄິດໄລ່ ແລະ ຫັກອາກອນລາຍໄດ້ນັ້ນ ສາຂາ ຫຼື ຕົວແທນຈໍາໜ່າຍໃບຫວຍ ກໍ່ຕ້ອງຮັບຜິດຊອບຈ່າຍແທນ;

4 ແຈ້ງການສະບັບນີ້ ມີົຜົນບັງຄັບໃຊ້ ນັບແຕ່ມືລົງລາຍເຊັນເປັນຕົ້ນໄປ.

ດັ່ງນັ້ນ, ຈື່ງແຈ້ງມາຍັງບັນດາທ່ານເພື່ອຮັບຊາບ ແລະ ພ້ອມກັນຈັດຕັ້ງປະຕິບັດໃຫ້ໄດ້ຮັບຜົນດີ