ຂ້າພະເຈົ້າໃນນາມຫົວຫນ້າທີມລົດຕັງ ກອງທັບ ປຊຊລາວ ຕາງຫນ້າບັນດານັກສູ້ພາຍໃນທີມ ຂໍໂທດຂໍອາໄພນຳພີ່ນ້ອງປະຊາຊົນຄົນລາວ ທີ່ຊົມ ແລະ ເຊຍໃຫ້ກຳລັງໃຈໃນການແຂ່ງຂັນນຳໃຊ້ພາຫະນະອາວຸດທີ່ທັນສະໄຫມໃນເວທີສາກົນລະດັບໂລກທີ່ດຸເດືອດ
![](http://kkklao.com/wp-content/uploads/2021/09/FB_IMG_1630542969340.jpg)
ມື້ນີ້ເປັນມື້ຊິງເຂົ້າຮອບຊິງຊະນະເລີດ ໃນທາມກາງສາຍຝົນ 3 ຈຸລົດໄດ້ແຂ່ງຂັນຢ່າງລຸລັງທຸເລ ຜ່ານຜ່າບັນດາອຸປະສັກ ພ້ອມທັງຍິ່ງເປົ້າທັງປືນໃຫຍ່ ແລະ ປືນຈັກ ຂັບຜ່ານສີ່ງກີດຂວາງເສັ້ນທາງປຽກມື່ນ ສຸດທ້າຍສາມາດຍາດໄດ້ອັນດັບ 2 ຂອງກູ່ມແຂ່ງຂັນ ລວມເວລາທັງຫມົດເປັນອັນດັບ 3ຂອງກູ່ມ B
![](http://kkklao.com/wp-content/uploads/2021/09/241025213_370647787942092_6799001731716796949_n.jpg)
ແຕ່ກຳມະການຕັດສິນໃຫ້ພວກເຮົາຕົກຮອບເຮັດໃຫ້ຫລາຍປະເທດທີສະແດງຄວາມຍີນດີນຳພວກເຮົາ ຕົກຕະລຶງ ແລະ ພວກເຮົາກໍ່ງົງໄປພ້ອມໆກັນ ສະນັ້ນຈີ່ງແຈ້ງໃຫ້ບັນດາທ່ານເພືອຊາບ ແລ້ວເຫັນຄວາມຈໍາເປັນນຳພວກເຮົາດ້ວຍ
![](http://kkklao.com/wp-content/uploads/2021/09/241021660_370648021275402_1484981602371356387_n.jpg)
ທ້າຍນີ້ກໍ່ຂໍຂອບໃຈນຳການນຳພັກລັດ ການນຳກະຊວງປ້ອງກັນປະເທດ ທີ່ໃຫ້ໂອກາດພວກເຮົາມາສະແດງຄວາມສາມາດໃນເວທີສາກົນລະດັບໂລກ ພິເສດ ຂໍຂອບໃຈນຳພີ່ນ້ອງປະຊາຊົນຄົນລາວທີ່ໃຫ້ກຳລັງໃຈຊົມ & ເຊີຍຢ່າງຫລວງຫລາຍ ພິເສດ ອີກເທື່ອຫນຶ່ງ ຂໍຂອບໃຈນຳບັນດາບໍລິສັດຫ້າງຮ້ານ ບຸກຄົນ, ນິຕິບຸກຄົນ ຕ່າງໆແລະທະນາຄານລາວ-ຫວຽດ
![](http://kkklao.com/wp-content/uploads/2021/09/241022186_370648051275399_3582688646025840534_n.jpg)
ທະນາຄານ ການຄ້າຕ່າງປະເທດລາວ ທີ່ໄດ້ສະຫນັບສະຫນູນທືນຮອນຈຳນວນຫນື່ງແບງເບົາຄວາມຫຍູ້ງຍາກໃຫ້ພວກເຮົາ ກ່າວມາຮອດຈຸດນີ້ໄດ້ ຂໍອວຍໄຊໃຫ້ພອນບັນດາທ່ານຈົ່ງພ້ອມກັນມີຄວາມສຸກກາຍສະບາຍໃຈມີຜົນສຳເລັດທຸກຫນ້າທີ່ການງານ ມີໂຊກລາບລໍ້າລວຍຕະຫລອດໄປເທີນ ຫວັງວ່າໂອກາດຫນ້າຈະໄດ້ຮັບການສະຫນັບສະຫນູນຈາກບັນດາທ່ານອິກດ້ວຍ.
Discussion about this post