ຫວຽດນາມ ປະກາດລ໊ອກດາວ ຫຼື ມາດຕະການເວັ້ນໄລຍະຫ່າງທາງສັງຄົມຢູ່ນະຄອນໂຮ່ຈີມິນ ເປັນເວລາ15 ວັນ ຕາມຕຳສັ່ງເລກທີ16ຂອງນາຍົກ ໂດຍເລີ່ມ9 ກໍລະກົດ ສະກັດການແຜ່ລະບາດພະຍາດໂຄວິດ-19 ພ້ອມລະດົມບຸກຄະລາກອນການແພດທົ່ວປະເທດເຂົ້າໜູນຊ່ວຍ
![](https://kkklao.com/wp-content/uploads/2021/07/Screenshot_2021-07-09-10-15-09-49-1-1024x663.jpg)
(VOVWORLD) ປັດຈຸບັນ ມີພະນັກງານ, ພາລະກອນການແພດ ກວ່າ 3.300 ຄົນ ຂຶ້ນກັບບັນດາຫົວໜ່ວຍຂອງ ກະຊວງສາທາລະນະສຸກ, ນັກສຶກສາບັນດາໂຮງຮຽນການຢາ ໄດ້ມີໜ້າຢູ່ນະຄອນໂຮ່ຈີມິນ. ກະຊວງສາທາລະນະສຸກໃຫ້ຮູ້ວ່າ ຖັນແຖວພະນັກງານ, ພາລະກອນການແພດ ເກືອບ 10.000 ຄົນຈະໄດ້ລະດົມໄປໜູນຊ່ວຍໃຫ້ແກ່ ນະຄອນໂຮ່ຈີມິນ.
![](https://kkklao.com/wp-content/uploads/2021/07/Screenshot_2021-07-09-10-15-23-52-1024x590.jpg)
ທົ່ວນະຄອນໂຮ່ຈີມິນ ຈະນຳໃຊ້ບັນດາມາດຕະການປ້ອງກັນ, ຕ້ານໂລກລະບາດໂຄວິດ – 19 ຕາມຄຳສັ່ງເລກທີ 16 ຂອງນາຍົກລັດຖະມົນຕີ ເປັນເວລາ 15 ວັນ, ນັບແຕ່ເວລາ 0 ໂມງຂອງວັນທີ 9 ກໍລະກົດ. ນີ້ແມ່ນ ການສະຫຼຸບ ທີ່ ທ່ານ ຫງວຽນແທັງຟອງ, ປະທານຄະນະກຳມະການປະຊາຊົນ ນະຄອນ ໂຮ່ຈີມິນໄດ້ ປະກາດຢູ່ກອງປະຊຸມຄະນະຊີ້ນຳການປ້ອງກັນ, ຕ້ານໂລກລະບາດໂຄວິດ – 19 ນະຄອນໂຮ່ຈີມິນ ດຳເນີນໃນຕອນບ່າຍວັນທີ 7 ກໍລະກົດ.
![](https://kkklao.com/wp-content/uploads/2021/07/Screenshot_2021-07-09-10-15-16-57-1024x590.jpg)
ທ່ານ ຫງວຽນແທັງຟອງ ເນັ້ນໜັກເຖິງ 7 ຂໍ້ໃນການປະຕິບັດຕາມຄຳສັ່ງເລກທີ 16 ຄັ້ງນີ້, ໃນນັ້ນສິ່ງທີ່ເປັນໜ້າສົນໃຈທີ່ສຸດນັ້ນແມ່ນ ຮຽກຮ້ອງໃຫ້ປະຊາຊົນໝົດທຸກຄົນຕ້ອງຢູ່ໃນເຮືອນ, ອອກໄປນອກພຽງແຕ່ໃນກໍລະນີທີ່ມີຄວາມຈຳເປັນ, ຍົກເວັ້ນບັນດາກໍລະນີໄປຊື້ສະບຽງອາຫານ, ຢຸກຢາ, ສຸກເສີນ… ບັນດາການບໍລິການສະໜອງເຄື່ອງຂອງທີ່ຈຳເປັນຕ່າງໆຍັງຄົງສືບຕໍ່ເຄື່ອນໄຫວເປັນປົກກະຕິ.
![](https://kkklao.com/wp-content/uploads/2021/07/Screenshot_2021-07-09-10-15-09-49-1024x663.jpg)
ທ່ານ ໃຫ້ຮູ້ວ່າ:ທາງນະຄອນໄດ້ກຽມພ້ອມໃຫ້ແກ່ທຸກກໍລະນີໂລກລະບາດ ແລະ ຍາມໃດກໍຮັບປະກັນການສະໜອງສິນຄ້າຢູ່ບັນດາຮ້ານສັບພະສິນຄ້າ, ຕະຫຼາດ. ດັ່ງນັ້ນ, ປະຊາຊົນບໍ່ຈຳເປັນຕ້ອງໄປຊື້ສິນຄ້າ ເພື່ອແຮໄວ້ ແລະ ບໍ່ເຕົ້າໂຮມກັນຫຼາຍຄົນຢູ່ບັນດາຮ້ານສັບພະສິນຄ້າ, ຕະຫຼາດ. ຕ້ອງມີຄວາມໄວ້ເນື້ອເຊື່ອໃຈ ແລະ ປະຕິບັດບັນດາມາດຕະການປ້ອງກັນ, ຕ້ານໂລກລະບາດໂຄວິດ – 19 ຂອງສູນກາງ ແລະ ນະຄອນຢ່າງເຂັ້ມງວດ.
![](https://kkklao.com/wp-content/uploads/2021/07/Screenshot_2021-07-09-10-15-00-48-1024x604.jpg)
ປັດຈຸບັນ ມີພະນັກງານ, ພາລະກອນການແພດ ກ່ວາ 3.300 ຄົນ ຂຶ້ນກັບບັນດາຫົວໜ່ວຍຂອງ ກະຊວງສາທາລະນະສຸກ, ນັກສຶກສາບັນດາໂຮງຮຽນການຢາ ໄດ້ມີໜ້າຢູ່ນະຄອນໂຮ່ຈີມິນ. ກະຊວງສາທາລະນະສຸກໃຫ້ຮູ້ວ່າ: ຖັນແຖວພະນັກງານ, ພາລະກອນການແພດ ເກືອບ 10.000 ຄົນຈະໄດ້ລະດົມໄປໜູນຊ່ວຍໃຫ້ແກ່ ນະຄອນໂຮ່ຈີມິນ.
Discussion about this post