ຈີນ ເປີດທາງດ່ວນ ຂ້າມທະເລຊາຍຍາວທີ່ສຸດໃນໂລກ.

ຈີນ ເປີດທາງດ່ວນຂ້າມທະເລຊາຍຍາວທີ່ສຸດໃນໂລກ

ສຳນັກຂ່າວ ຕ່າງປະເທດ ລາຍງານ ຈາກ ເມືອງອຸຣຸມຊີ ເຂດປົກຄອງ ຕົນເອງ ຊິນຈຽງອຸຍກູ ປະເທດ ຈີນວ່າ: ວັນທີ 30 ມິຖຸນາ ທາງດ່ວນ ສາຍປັກກິງ-ອຸຣຸມຊີ (Beijing-Urumqi Expressway) ຊຶ່ງເປັນທາງດ່ວນຂ້າມ ທະເລຊາຍ ທີ່ຍາວທີ່ສຸດ ໃນໂລກ.

ໄດ້ເປີດໃຫ້ ການສັນຈອນ ຢ່າງເຕັມຮູບແບບ ພາຍຫລັງ ເປີດໃຫ້ ບໍລິການ ເສັ້ນທາງ ສ່ວນສຸດທ້າຍ ໃນເຂດປົກຄອງ ຕົນເອງ ຊິນຈຽງ ອຸຍກູ ທາງພາກຕາເວັນຕົກ ສຽງເໜືອຂອງຈີນ

ເປັນເສັ້ນທາງດ່ວນທີ່ເຊື່ອມຕໍ່ ລະຫວ່າງ ນະຄອນຫລວງ ປັກກິງ ກັບ ນະຄອນ ອຸຣຸມຊີ ໂດຍມີ ຄວາມຍາວ 2.800 ກິໂລແມັດ ຊຶ່ງເປັນເສັ້ນທາງ ສ່ວນໜຶ່ງ ກວມເອົາ ໄລຍະທາງ ຫລາຍກວ່າ 500 ກິໂລແມັດ ຕັດຜ່ານ ທະເລຊາຍ ແລະ ພື້ນທີ່ ບໍ່ມີຄົນ ອາໄສຢູ່.