ບໍລິສັດ ເອັນຊີເອັກ ຈຳກັດ ໃນນາມຕົວແທນຈຳໜ່າຍລົດຈັກຮອນດ້າ ໃນປະເທດລາວ. ຮ່ວມກັບສູນບໍລິການລົດຈັກຮອນດ້າ ເກົາຊິນ ໄຊຍະບູລີ ແລະ ຮອນດ້າ ສຸກກະເສີມ ໄຊຍະບູລີ. ໄດ້ນຳທີມນາຍຊ່າງຜູ້ຊຳນານ ເພື່ອເດີນທາງໄປໃຫ້ບໍລິການກວດເຊັກລົດຈັກຮອນດ້າ ທີ່ປະສົບໄພນ້ຳຖ້ວມ Free “ຟຣີ” ທີ່ໂຮງຮຽນມັດທະຍົມຕອນຕົ້ນ ມິດຕະພາບ ບ້ານ ສີເມືອງ ເມືອງ ໄຊຍະບູລີ, ແຂວງ ໄຊຍະບູລີ.
![](https://kkklao.com/wp-content/uploads/2021/06/Screenshot_2021-06-26-11-04-10-32-828x1024.jpg)
ກິດຈະກຳນີ້ຈະໄດ້ຈັດຂຶ້້ນເປັນເວລາ 06 ວັນ ເລີ່ມຕັ້ງແຕ່ ວັນທີ 28/06/2021 ເຖິງ ວັນທີ 03/07/2021ເວລາ 08:00 – 17:00 ໂມງ ກິດຈະກຳ ບໍລິການກວດເຊັກລົດຈັກຮອນດ້າ ທີ່ປະສົບໄພນຳ້ຖ້ວມ Free “ຟຣີ” ນີ້.ໃຫ້ກຽດກ່າວເປີດພິທີໂດຍ: ຮອງປະທານ ບໍລິສັດ ທ່ານ ສະເໜີ ຈຸນລະມະນີ
ຈຸດປະສົງ ໄປໃຫ້ການບໍລິການກວດເຊັກ ແລະ ສ້ອມແປງລົດຈັກຮອນດ້າ“ຟຣີ” ສະເພາະພາຍໃນຕົວເມືອງ ໄຊຍະບູລີເພື່ອຊ່ວຍເຫລືອແບ່ງເບົາແລະບັນເທົາທຸກ ຂອງພໍ່ແມ່ປະຊາຊົນ ຜູ້ທີ່ໄດ້ຮັບຜົນກະທົບຈາກໄພນ້ຳຖ້ວມໃນຄັ້ງນີ້. ບໍລິສັດໄດ້ເລັງເຫັນ ຄວາມຈຳເປັນໃນການໃຊ້ລົດຈັກຂອງພໍ່ແມ່ປະຊາຊົນໃນເມືອງໄຊຍະບູລີ, ຈຶ່ງມີຄວາມຕັ້ງໃຈເປັນສ່ວນໜຶ່ງໃນການຊ່ວຍເຫລືອແບ່ງເບົາແລະບັນເທົາທຸກຈາກຜົນກະທົບດັ່ງກ່າວ.
ບໍລິສັດ ເອັນຊີເອັກ ຈຳກັດ ມີຄວາມຍິນດີ ແລະ ພູມໃຈທີ່ໄດ້ຮັບໃຊ້ທັງເປັນສ່ວນໜຶ່ງ ໃນການຊ່ວຍເຫລືອແກ່ພໍ່ແມ່ປະຊາຊົນທີ່ໄດ້ຮັບຜົນກະທົບຈາກໄພທຳມະຊາດໃນຄັ້ງນີ້.
Discussion about this post