🔥​🔥​ກຸ່ມຄົນທີ່ສ່ຽງໃນການຕິດເຊື້ອໂຄວິດ-19 ໃນລາວ ແມ່ນໄວໜຸ່ມ ແລະ ໄວເຮັດວຽກ

🔥​🔥​ກຸ່ມຄົນທີ່ສ່ຽງໃນການຕິດເຊື້ອໂຄວິດ-19 ໃນລາວ ແມ່ນໄວໜຸ່ມ ແລະ ໄວເຮັດວຽກ

ກຸ່ມຄົນ ທີ່ມີການຕິດເຊື້ອຫຼາຍແມ່ນພົບຢູ່ໃນກຸ່ມອາຍຸ 20-29 ປີ ແລະ ກຸ່ມອາຍຸ 30-39 ປີ ຊຶ່ງແມ່ນກຸ່ມໄວໜຸ່ມ ແລະ ກຸ່ມທີ່ກຳລັງເຮັດວຽກ, ນອກຈາກນັ້ນຍັງພົບໃນກຸ່ມຜູ້ສູງອາຍຸ 60 ປີຂຶ້ນໄປຊຶ່ງເປັນກຸ່ມຄົນທີ່ມີຄວາມສ່ຽງ ຖ້າຕິດເຊື້ອແລ້ວອາດມີຄວາມຮ້າຍແຮງເພີ່ມຂຶ້ນ.ສູນສື່ສານເພື່ອສຸຂະພາບ ແລະ ສຸກຂະສຶກສາ ໄດ້ຈັດກອງປະຊຸມເຜີຍແຜ່ ສະພາບການລະບາດຂອງພະຍາດໂຄວິດ-19 ໃນໄລຍະທີ່ມີການປິດເມືອງ ແລະ ທ່າອ່ຽງຂອງການລະບາດໃນ

ອະນາຄົດ ຂຶ້ນໃນວັນທີ 22 ມິຖຸນານີ້ ທີ່ສູນສື່ສານເພື່ອສຸຂະພາບ ແລະ ສຸຂະສຶກສາກະຊວງສາທາລະນະສຸກ ໂດຍການເປັນປະທານຂອງ ທ່ານ ວິສິດ ຄຳລືຊາ ຫົວໜ້າ ສູນສື່ສານເພື່ອສຸຂະພາບ ແລະ ສຸຂະສຶກສາ ມີທ່ານ ນາງ ບົວເທບ ພູມິນ ຮອງຫົວໜ້າກົມປິ່ນປົວ ແລະ ຟື້ນຟູໜ້າທີ່ການ ກະຊວງສາທາລະນະສຸກ, ພາກສ່ວນກ່ຽວຂ້ອງ ພ້ອມດ້ວຍສື່ມວນຊົນເຂົ້າຮ່ວມ.

ໃນໂອກາດດັ່ງກ່າວ, ທ່ານ ນາງ ບົວຜັນ ຄຳພາພົງຜ່ານ ຮອງຫົວໜ້າສູນວິເຄາະ ແລະ ລະບາດວິທະຍາ ໄດ້ໃຫ້ຮູ້ວ່າ: ກໍລະນີຜູ້ຕິດເຊື້ອໂຄວິດ-19 ໃນລາວມີແນວໂນ້ມຫຼຸດລົງ ນັບແຕ່ທ້າຍເດືອນພຶດສະພາ, ແຕ່ເຖິງຢ່າງໃດກໍຕາມ ກໍລະນີທີ່ເກີດຂຶ້ນໃນທ້ອງຖິ່ນ ຍັງສືບຕໍ່ຄົ້ນພົບເກືອບທຸກມື້ ໃນລະຄອນຫຼວງວຽງຈັນ ຊຶ່ງກຸ່ມຄົນທີ່ມີການຕິດເຊື້ອຫຼາຍແມ່ນພົບຢູ່ໃນກຸ່ມອາຍຸ 20-29 ປີ

ແລະ ກຸ່ມອາຍຸ 30-39 ປີ ຊຶ່ງແມ່ນກຸ່ມໄວໜຸ່ມ ແລະ ກຸ່ມທີ່ກຳລັງເຮັດວຽກ, ນອກຈາກນັ້ນຍັງພົບໃນກຸ່ມຜູ້ສູງອາຍຸ 60 ປີຂຶ້ນໄປ ຊຶ່ງເປັນກຸ່ມຄົນທີ່ມີຄວາມສ່ຽງ ຖ້າຕິດເຊື້ອແລ້ວອາດມີຄວາມຮ້າຍແຮງເພີ່ມຂຶ້ນ; ຊຶ່ງແຫຼ່ງໃນການຕິດເຊື້ອໃນນະຄອນຫຼວງວຽງຈັນ ໃນການລະບາດໃນຮອບນີ້ ແມ່ນມີຈຸດເລີ່ມຕົ້ນຈາກ ກຸ່ມຄົນທີ່ໄດ້ໄປສະຖານທີ່ສ່ຽງເຊັ່ນ:

ຮ້ານກິນດື່ມ, ຄາຣາໂອເກະ, ຮ້ານນວດ ແລະ ງານລ້ຽງຕ່າງໆ ໃນໄລຍະປີໃໝ່ລາວທີ່ຜ່ານມາ ຫຼັງຈາກນັ້ນກໍໄດ້ມີການແຜ່ເຊື້ອໃສ່ຄົນໃນຄອບຄົວ, ຊຸມຊົນ ແລະ ສະຖານທີ່ເຮັດວຽກຕ່າງໆ ແລະ ຍັງພົບເຫັນການລະເມີດຕໍ່ມາດຕະການທີ່ລັດຖະບານໄດ້ວາງອອກໃນໄລຍະປິດເມືອງ ຫຼື ບໍ່ເຂັ້ມງວດໃນບ້ານເຂດແດງ ເປັນຕົ້ນແມ່ນການຮ່ວມຕົວກັນຍັງຄົງມີຢູ່, ຫຼາຍກໍລະນີຍັງໄປຮ່ວມຊຸມແຊວກັນໃນຄົວເຮືອນ ຊຶ່ງເປັນເຫດນຳໄປສູ່ການຕິດເຊື້ອເປັນຈຸ້ມໃຫຍ່, ຜູ້ສຳຜັດໃກ້ຊິດບາງກຸ່ມ ໄປຮ່ວມສ້າງສັນ ຫຼື ຮ່ວມຕົວກັນ ແລ້ວກາຍເປັນຈຸ້ມຂອງກໍລະນີທີ່ຕິດເຊື້ອ.

ທີ່ມາ