ເລື່ອງລາວທີ່ແອັດກໍາລັງຈະເວົ້າເຖິງນີ້ ເປັນເລື່ອງລາວທີ່ເກີດຂຶ້ນຢູ່ປະເທດໄທ ເຊິ່ງແອັດເຫັນວ່າເປັນອີກເຫດການທີ່ສາມາດເປັນແຮງບັນດານໃຈ, ເປັນກໍາລັງໃຈ ແລະ ຍັງເປັນຄະຕິເຕືອນໃຈໄດ້ອີກ, ດັ່ງນັ້ນ ແອັດຈຶ່ງຢາກຍົກເອົາເລື່ອງນີ້ຂຶ້ນມານໍາສະເໜີໃຫ້ທຸກຄົນໄດ້ຮູ້ນໍາກັນ.
![](https://kkklao.com/wp-content/uploads/2021/06/Screenshot_2021-06-11-16-14-37-83-1024x681.jpg)
ທ້າວ ຕະວັນ ມຸສິກາ ຫຼື ນ້ອງເກົ້າ ອາຍຸ 16ປີ ສູ້ຊີວິດພຽງລໍາພັງ ອາໃສຢູ່ໃນບ້ານຫຼັງນ້ອຍໆ ສະພາບຊຸດໂຊມ ປັດຈຸບັນນ້ອງເກົ້າ ໄດ້ເຂົ້າຮຽນຢູ່ໂຮງຮຽນແຫ່ງໜຶ່ງ. ທັ້ງນີ້ ນ້ອງເກົ້າບອກວ່າຕົນເອງມີເອື້ອຍທັງໝົດ 4ຄົນ ເຊິ່ງນ້ອງເກົ້າ ເປັນລູກຊາຍຫຼ້າ ແຕ່ເອື້ອຍກໍ່ແຍກກັນໄປມີຄອບຄົວ ແລະ ເຮັດວຽກຢູ່ຕ່າງຈັງຫວັດ ດົນໆເອື້ອຍຈະລົງມາຫາ ໃນແຕ່ລະມື້ນ້ອງເກົ້າຈະອາໄສເກັບເຄື່ອງເກົ່າຕາມຖັງຂີ້ເຫຍື້ອມາເກັບໄວ້.
![](https://kkklao.com/wp-content/uploads/2021/06/Screenshot_2021-06-11-16-14-30-91-1024x655.jpg)
ເມື່ອໄດ້ເປັນຈໍານວນຫຼາຍແລ້ວ ກໍ່ຈະນໍາໄປຂາຍໃຫ້ກັບຮ້ານຮັບຊື້ຂອງເກົ່າ ໄດ້ເງິນມາຄັ້ງລະ 1.000ບາດ ໂດບເງິນທີ່ໄດ້ມາກໍ່ຈະເອົາມາໃຊ້ຈ່າຍ ຊື້ເຂົ້າກິນ ແລະ ເກັບໄວ້ເປັນທຶນການສຶກສາ.ສ່ວນເພື່ອນບ້ານ ຫຼື ຄົນເຮືອນໃກ້ ອ້ອມແອ້ມເຂດນັ້ນກໍ່ແວະວຽນເຂົ້າມາເບິ່ງ ດູແລເປັນບາງຄັ້ງ ທັ້ງນີ້ ສິ່ງທີ່ເຮັດໃຫ້ນ້ອງເກົ້່ມີກໍາລັງໃຈໃນການຕໍ່ສູ້ຊີວິດຄົນດຽວແມ່ນ ນ້ອງເກົ້າຢາກເປັນຊ່າງສ້ອມແປງ
![](https://kkklao.com/wp-content/uploads/2021/06/Screenshot_2021-06-11-16-14-21-17-1024x644.jpg)
ມີອາຊີບໝັ້ນຄົງ. ນ້ອງເກົ້າເປັນຄົນອົດທົນ, ກຸໝັ້ນ ໃຊ້ຈ່າຍເງິນຢ່າງປະຢັດ ບໍ່ດຄີຍແບມືຂໍເງິນຈາກໃຜ.ດ້ານເພື່ອນບ້ານ ນາງສຸພິນ ໄພຣາມ ອາຍຸ 68ປີ ທີ່ຢູ່ເຮືອນຕິດກັນ ບອກວ່າ: ນ້ອງເກົ້າ ອາໄສຢູ່ຄົນດຽວ ຫຼັງຈາກທີ່ພໍ່ແມ່ເສຍຊີວິດ ໂດຍເຫັນນ້ອງເກົ້າ ອອກໄປເກັບເຄື່ອງເກົ່າທຸກມື້ ຂັບລົດຊາເລັ້ງໄປເລາະເກັບເຄື່ອງເກົ່າມາຂາຍ ເຮັດແບບນີ້ມາດົນກວ່າ 1ປີແລ້ວແລ້ວ.
Discussion about this post