ຫວຽດນາມ ຂໍເລື່ອນຈັດການແຂ່ງຂັນກິລາຊີເກມ ຄັ້ງທີ31 ໄປເປັນປີ 2022 ເນື່ອງຈາກສະຖານະການໂຄວິດລະບາດ.
ໃນວັນທີ 9 ມິຖຸນາ 2021ຜ່ານມາ ສຳນັກງານສະພາບໍລິຫານກິລາຊີເກມ ເປີດກອງປະຊຸມທາງໄກ ເພື່ອພິຈາລະນາກໍລະນີ ສສ ຫວຽດນາມ ທີ່ຈະເປັນເຈົ້າພາບຈັດການແຂ່ງຂັນກິລາຊີເກມ ຄັ້ງທີ 31 ຂໍເລື່ອນຈັດການແຂ່ງຂັນ ຈາກວັນທີ 21 ພະຈິກ ຫາ 2 ທັນວາ 2021 ອອກໄປເປັນເດືອນພຶດສະພາ ຫຼື ມິຖຸນາ 2022 ເນື່ອງຈາກບັນຫາການແຜ່ລະບາດຂອງພະຍາດໂຄວິດ-19.
ເຊິ່ງໃນກອງປະຊຸມປະເທດທີ່ບໍ່ເຫັນດີໃຫ້ເລື່ອນ ມີ 9 ປະເທດ ແລະ ມີພຽງປະເທດມຽນມາ ທີ່ເຫັນດີໃຫ້ເລື່ອນ. ແຕ່ຢ່າງໃດກໍ່ຕາມ, ກອງປະຊຸມໄດ້ໃຫ້ເວລາ ສສ ຫວຽດນາມ 15 ວັນ ເພື່ອປືກສາຫາລືກັບລັດຖະບານ ວ່າກອງປະຊຸມສະພາຊີເກມ ບໍ່ເຫັນດີກັບການເລື່ອນແຂ່ງຂັນໄປເປັນປີ 2022 ແລະ ໃນວັນທີ 24 ມິຖຸນານີ້ ຈະໄດ້ຂໍ້ສະຫຼຸບວ່າ ຈະຈັດການແຂ່ງຂັນກິລາຊີເກມ ຫຼື ບໍ່ໃນທ້າຍປີ 2021.
Discussion about this post