ໃນໄລຍະຜ່ານມາ, ມີແຮງງານລາວທີ່ບໍ່ມີເອກະສານ ກັບຄືນປະເທດມີຈໍານວນ 363 ຄົນ.
ປະເທດລາວ Pathedlao ໄດ້ລາຍງານວ່າ: ນັບແຕ່ເດືອນມີນາ 2020 ຫາ ເດືອນພຶດສະພາ 2021 ນີ້, ມີແຮງງານ ເດີນທາງເຂົ້າມາຜ່ານດ່ານຕ່າງໆ ຈໍານວນ 171.910 ກວ່າຄົນ, ຍິງ 87.200 ກວ່າຄົນ, ເດີນທາງອອກມີຈໍານວນ 105.440 ກວ່າຄົນ, ຍິງ 52.730 ກວ່າຄົນ.
ຂະນະດຽວກັນ ແຮງງານລາວທີ່ບໍ່ມີເອກະສານ ມີຈໍານວນ 363 ຄົນ, ຍິງ 168 ຄົນ ແລະ ມີແຮງງານລາວ ລັກລອບຂ້າມຕາມບໍລິເວນຊາຍແດນບໍ່ຖືກຕ້ອງຈໍານວນ 108 ຄົນ
ໂດຍຂໍ້ມູນດັ່ງກ່າວ, ເປີດເຜີຍໂດຍ ທ່ານ ພັນໂທ ເພັດດາວົງ ແກ້ວກັນຍາ ຮອງຫົວຫນ້າກົມ ຕໍາຫຼວດກວດຄົນເຂົ້າ-ອອກເມືອງ ກົມໃຫ່ຍສັນຕິບານ ກະຊວງປ້ອງກັນຄວາມສະຫງົບ.
ທ່ານ ພັນໂທ ເພັດດາວົງ ແກ້ວກັນຍາ ກ່າວຕື່ມວ່າ: ສໍາລັບແຮງງານລາວ ທີ່ລັກລອບໄປໄທແບບບໍ່ຖືກຕ້ອງ ແຕ່ມີຄວາມຕ້ອງການກັບຄືນປະເທດ ແມ່ນພວກເຮົາມີການຜ່ອນຜັນຄືບໍ່ປັບໃໝ ແລະ ບໍ່ດໍາເນີນຄະດີຕໍ່ເຂົາເຈົ້າ,
ໂດຍພວກເຂົາສາມາດໄປພົວພັນກັບເຈົ້າໜ້າທີ່ກ່ຽວຂ້ອງຢູ່ດ່ານໂດຍກົງ ເພື່ອແຈ້ງຂໍ້ມູນ ເຊັ່ນ: ຊື່ ແລະ ນາມສະກຸນ, ວັນເດືອນປີເກີດ, ທີ່ຢູ່ໃນ ສປປ ລາວ, ໄປເຮັດວຽກຫຍັງຢູ່ໄທ, ເບີຕິດຕໍ່ຍາດພີ່ນ້ອງຢູ່ລາວ ດັ່ງນີ້ເປັນຕົ້ນ
Discussion about this post