ຂ່າວດີ !!! ການທົດລອງຕິດຕັ້ງກົງເຕີໄຟຟ້າ ໃນລະບົບສະມາດມິດເຕີ ຂອງລັດວິສາຫະກິດ ໄຟ້ຟ້າລາວຈຳນວນ 50 ພັນໜ່ວຍ ຢູ່ 4 ເມືອງ ໃນນະຄອນຫຼວງວຽງຈັນ, ມາຮອດປັດຈຸບັນ ແມ່ນໄດ້ຕິດຕັ້ງສຳເລັດແລ້ວ 30 ພັນກ່ວາໜ່ວຍ (60%) ຊຶ່ງຄາດວ່າຈະຕິດຕັ້ງໃຫ້ສຳເລັດພາຍໃນປີນີ້.
![](https://kkklao.com/wp-content/uploads/2021/05/Screenshot_2021-05-31-10-10-27-79-1024x556.jpg)
ທ່ານ ຈັນທະບູນ ສຸກອາລຸນ ຜູ້ອຳນວຍການໃຫຍ່ ລັດວິສາຫະກິດ ໄຟຟ້າລາວ ໄດ້ໃຫ້ສຳພາດຜ່ານລາຍການຮອບເມືອງເລື່ອງໂຄວິດ ເມື່ອວັນທີ 28 ພຶດສະພາຜ່ານມາ ທີ່ໂທລະພາບແຫ່ງຊາດວ່າ: ກົງເຕີໄຟຟ້າ ລະບົບສະມາດມິດເຕີ ແມ່ນມີແອັບທີ່ລິ້ງເຂົ້າໃນລະບົບຕະຫຼອດເວລາ ໂດຍເຮົາສາມາດກວດເບິ່ງການນຳໃຊ້ໄຟໄດ້ເລີຍ ແລະ ສາມາດກວດເບິ່ງການນຳໃຊ້ໄຟຟ້າຄືນຫຼັງໄດ້ອີກດ້ວຍ ! 👏
![](https://kkklao.com/wp-content/uploads/2021/05/Screenshot_2021-05-31-10-10-21-64-1024x559.jpg)
ທ່ານກ່າວໃຫ້ຮູ້ຕື່ມວ່າ: ໃນຊຸມປີຜ່ານມານີ້ ເນື່ອງຈາກສະພາບທາງການເງິນຂອງລັດວິສາຫະກິດໄຟຟ້າລາວມີຄວາມຫຍຸ້ງຍາກ ສະນັ້ນການຂະຫຍາຍຕາຂ່າຍ ແລະ ເສີມໝໍ້ແປງໄຟໃຫ້ກັບ ປະຊາຊົນມີຈຳນວນບໍ່ພຽງພໍກັບຄວາມຕ້ອງການ ຕໍ່ກັບບັນຫາດັ່ງກ່າວພວກເຮົາກໍມີນະໂຍບາຍໃໝ່ຊຶ່ງຖືວ່າດີທີ່ສຸດ
![](https://kkklao.com/wp-content/uploads/2021/05/Screenshot_2021-05-31-10-10-13-17-1024x643.jpg)
ໂດຍສະເພາະໃນຕົ້ນອາທິດທີ່ຜ່ານມາພວກເຮົາໄດ້ອອກແຈ້ງການທາງເຟດບຸກໃຫ້ປະຊາຊົນຮັບຮູ້ຕໍ່ກັບບັນຫາເລື່ອງໄຟຟ້າບໍ່ພຽງພໍ, ແຮງດັນຕົກ, ໃຊ້ໄຟບໍ່ໄດ້ ແລະ ອື່ນໆ ແມ່ນໃຫ້ແຈ້ງທີ່ໝາຍເລກ 199 ຫຼື ແຈ້ງເຂົ້າສູນບໍລິການ ແລະ ໄດ້ໃຫ້ພະນັກງານທີ່ຄຸ້ມຄອງຝ່າຍຈຳໜ່າຍຄືໃຫ້ແຕ່ລະສູນຮັບຄຳຮ້ອງ ຫຼື ຄຳສະເໜີຂອງປະຊາຊົນເພື່ອນຳສະເໜີຫາພາກສ່ວນທີ່ກ່ຽວຂ້ອງເພື່ອໄປແກ້ໄຂ,ປັດຈຸບັນໃນທົ່ວປະເທດມີກົງເຕີ້ໄຟຟ້າປະມານ 1 ລ້ານ 5 ແສນກວ່າໜ່ວຍ ໃນປະລິມານດັ່ງກ່າວພວກເຮົາກໍມີພະນັກງານຫຼາຍພັນຄົນໃນການໄປຈົດໃນແຕ່ລະເດືອນ ແຕ່ກໍຍັງມີຄວາມຜິດພາດໃນຈຳນວນໜ້ອຍໜຶ່ງ,
![](https://kkklao.com/wp-content/uploads/2021/05/Screenshot_2021-05-31-10-10-05-14-1024x632.jpg)
ເຖິງຢ່າງໃດກໍຕາມພວກເຮົາໄດ້ມີຄວາມພະຍາຍາມບໍ່ໃຫ້ຄວາມຜິດພາດເກີດຂຶ້ນ ແຕ່ບາງຄັ້ງກໍເກີດຂຶ້ນຈົນໄດ້, ສຳລັບການຈົດເລກກົງເຕີໃຫ້ມີຄວາມໝັ້ນໃຈວ່າໂດຍສະເພາະກົງເຕີ້ລຸ້ນດີຈີຕອນເຖິງວ່າຈະບໍ່ໄດ້ຈົດແຕ່ໃນລະບົບກົງເຕີ້ແມ່ນມັນຈະຣີຄອດເອງໄວ້ແຕ່ລະເດືອນມັນຈະບັນທຶກໄວ້ເລີຍ,ໃນກໍລະນີກົງເຕີໄຟມີບັນຫາໃຊ້ການບໍ່ໄດ້, ໜ້າມົວ ແລະ ອຶ່ນໆພວກເຮົາຈະສົ່ງພະນັກງານລົງໄປກວດເບິ່ງຖ້າມີການປ່ຽນກົງເຕີໃໝ່ແມ່ນຈະບໍ່ໄດ້ເສຍຄ່າ.
![](https://kkklao.com/wp-content/uploads/2021/05/Screenshot_2021-05-31-10-09-57-86-824x1024.jpg)
Discussion about this post