ມະຫາເສດຖີໜ້າໃໝ່ ທີ່ຮັ່ງມີຈາກວັກຊິນປ້ອງກັນໂຄວິ ດ

ແຫລ່ງຂ່າວຂປລ.ສຸດ​ຍອດ​ ມະຫາ​ເສດຖີ​ ໜ້າ​ໃໝ່ ທີ່​ຮັ່ງມີ​ ຈາກ​ວັກ​ຊິນ​ ປ້ອງ​ກັນ ​ໂຄ​ວິດ-19 ​ໄດ້​ແກ່ ທ່ານ ສະ​ເຕຟານ ​ແບນ​ເຊີ​ລ(Stefan Bansel), ​ປະທານ ບໍລິສັດ ​ໂມ​ເດີ​ນາ,ທ່ານ ອູ​ກູຣ ຊາ​ຮິນ(Ugur Sahin) ປະທານ ​ໄບ​ອອນ​ເທັກ ອີກ 3ຄົນ ຄື

​ຜູ້​ຮ່ວມ​ກໍ່ຕັ້ງ ​ແຄນ​ສີ​ໂນ ​ໄບ​ໂອໂລ​ຈິກ​ສ(Cannino Biologics)ບໍລິສັດ ​ວັກ​ຊິນ​ຂອງ​ຈີນ ມີ​ຊັບ​ສົມບັດ ລວມກັນ 1,93 ຕື້​ໂດ​ລາ​ ສະຫະລັດ ສາມາດ ​ສັກວັກຊິນ ​ໃຫ້​ປະຊາຊົນ​ ທຸກ​ຄົນ ​ໃນ​ປະເທດ ລາຍ​ໄດ້​ຕ່ຳ 1,3 ​ເທື່ອ ​ແລະ ຍັງ​ມີ​ມະຫາ​ເສດຖີ​ ຄົນ​ເກົ່າ​ອີກ 8ຄົນ ຄວາມ​ຮັ່ງມີ​ ລວມກັນ ​ເພີ່ມ​ຂຶ້ນ 3,22 ຕື້​ໂດ​ລາ​ ສະຫະລັດ

ຍ້ອນຜົນ​ໄດ້​ຮັບ ຈາກ​ການ​ສັກ​ວັກ​ຊິນປ້ອງ​ກັນ​ໂຄ​ວິດ-19 ​ເພີ່ມ​ຂຶ້ນ​ໃນ​ປັດຈຸບັນ. ຂໍ້​ມູນ​ດັ່ງກ່າວ ​ໄດ້​ຮັບ​ການ​ເປີດ​ເຜີຍ​ຈາກ ກຸ່ມພັນທະມິດ ວັກ​ຊິນ​ ຂອງປະຊາຊົນ ​ເຊິ່ງ​ເປັນ​ເຄື່ອຂ່າຍ ອົງການ ຈັດຕັ້ງ ແລະ ນັກເຄື່ອນໄຫວ ​ໂຄສະນາ ​ໃຫ້ຢຸດຕິ ກຳມະສິດ ແລະ ສິດທິບັດ ວັກ​ຊິນ ອ້າງ​ຂໍ້​ມູນ​ ມະຫາ​ເສດຖີ ຈາກວາລະສານ Forbes Rich List​​ໃນ​ວັນ​ທີ20​ພຶດສະພາ​ນີ້./.

ຮຽບຮຽງ​ຂ່າວ​ໂດຍ ສະ​ໄຫ​ວ ລາດ​ປາກ​ດີ