ເປັນປະເພນີເວລາຖືກຫວຍ ກໍຈະມີການສະຫຼອງກັນຍົກໃຫຍ່ ບາງຄັ້ງຖືກຫວຍໜ້ອຍດຽວສະຫຼອງໝົດຫຼາຍກວ່າກໍ່ເປັນໄດ້ ແຕ່ອັນນີ້ບໍ່ກ່ຽວເພາະເປັນເງິນໃນກະເປົາຂອງແຕ່ລະຄົນ, ທີ່ແອັດ Central Update ເອົາມາຝາກມື້ນີ້ແມ່ນການສະຫຼອງຈົນເມຍຈາກໄປ ຜົວບໍຮູ້ອຸ້ມເມຍເຂົ້ານອນ ກອດຮ່າງໄຮ້ວິນຍານໝົດຄືນ.
ເຫດການນີ້ເກີດຂຶ້ນຢູ່ ອຸດອນທານີນີ້ເອງຜົວເມຍ ແລະໝູ່ເພື່ອນພາກັນດື່ມສະຫຼອງຖືກຫວຍຈົນລົ້ມຫົວຈຸ່ມລົງຖັງນ້ຳ ຜູ້ເປັນຜົວບໍ່ຮູ້ຈິ່ງອຸ້ມເຂົ້າຫ້ອງນອນ.
ເຫດການນີ້ຫາກໍ່ເກີດວັນທີ 17 ຜ່ານມານີ້ເອງ ຜູ້ເສຍຊີວິດຊື່ນາງວົງໄຊອາຍຸ 48 ປີ ຕາມການຊັນລະສູດຂອງແພດໝໍບອກວ່າຍິງຄົນນັ້ນເສຍຊີວິດຍ້ອນຫົວໃຈລົ້ມເຫຼວ ປະມານ 5-7 ຊົ່ວໂມງແລ້ວ.
ຈາກການສອບຖາມທ້າວ ແຕ້ພານິດຜູ້ເປັນຜົວໄວ 44 ປີໃຫ້ການວ່າ ຕົນມີອາຊີບຮັບຈ້າງ ສ່ວນຜູ້ເສຍຊີວິດເປັນແມ່ບ້ານທຳມະດາ ແຕ່ມັກການດື່ມເຫຼົ້າເປັນປະຈຳ ພວກຕົນຕ່າງເປັນໝ້າຍແລ້ວມາຄົບຫາກັນ ຫຼັງຈາກນັ້ນກໍ່ຕົກລົງມາຢູ່ກິນນຳກັນໃນນາມຜົວເມຍມາໄດ້ປະມານ 1 ປີ ກ່ອນເກີດເຫດຕອນກາງເວັນໝູ່ຜູ້ເສຍຊີວິດບອກວ່າຕົນຖືກຫວຍ 2000 ບາດ
ຫຼັງຈາກແລ້ວວຽກ ຈິ່ງພາກັນໄປຊື້ເຫຼົ້າກັບນຶ້ງຫົວໝູມາກິນສະຫຼອງນຳກັນຈົນເມົາ ຮອດເວລາ 21:00 ໂມງຈິ່ງແຍກຍ້າຍກັບ ສ່ວນຕົນກັບເມຍແມ່ນກຽມເຂົ້ານອນ.ຜົວຍັງເລົ່າອີກວ່າ ໂຕເອງຫຼັບໄປແລ້ວບໍ່ຮູ້ດົນປານໃດຕື່ນຂຶ້ນມາບໍ່ເຫັນເມຍຈິ່ງຍ່າງໄປຊອກວ່າຢູ່ຫຼັງເຮືອນປະກົດວ່າ ເມຍນອນຫົວຈຸ່ມໃສ່ຖັງນ້ຳຕົນຈິ່ງອຸ້ມເມຍອອກມາ ຕອນນັ້ນເມຍຮາກອອກມາເປັນນ້ຳ ແຕ່ຍັງຫາຍໃຈຢູ່ຕົນຈິ່ງເຊັດຕົວປ່ຽນຊຸດໃຫ້ແລ້ວອຸ້ມເຂົ້າໄປນອນ ຫຼັງຈາກນັ້ນກໍ່ເອີ້ນໝູ່ມາເບິ່ງຢ້ານເປັນຫຍັງຮຸນແຮງ ແຕ່ເບິ່ງຄືຊິບໍມີຫຍັງໝູ່ກໍ່ພາກັນກັບບ້ານ.
ຫຼັງຈາກໝູ່ກັບບ້ານໂຕເອງກໍ່ນອນກອດເມຍນອນຫຼັບໄປເລີຍ ຈົນຕື່ນເຊົ້າມາເມຍນອນບໍ່ຫາຍໃຈ ແລະຕົວແຂງ ຕົນຕົກໃຈແຮງຈິ່ງໂທຫາໝູ່ມາເບິ່ງພ້ອມກູ້ໄພ ຈິ່ງຮູ້ວ່າເມຍໄດ້ເສຍຊີວິດໄປແລ້ວ.
ຜູ້ເປັນຜົວບອກວ່າ ຂ້ອຍນອນກອດສົບເມຍມາທັ້ງຄືນ ບໍ່ຄິດວ່າລາວຈະດ່ວນຈາກໄປແບບນີ້ ເພາະເມຍເຄີຍບອກເປັນລາງວ່າ ໃຫ້ກູຕາຍກ່ອນມືງ ເພາະຖ້າມືງຕາຍກ່ອນກູບໍຮູ້ຈະຢູ່ກັບໃຜ.ຕາມການສັນນິຖານຂອງທີມກວດສອບລະບຸວ່າ: ຜູ້ເສຍຊີວິດໜ້າຈະດື່ມເຫຼົ້າໂດຍບໍ່ກິນອາຫານ ເມື່ອລຸກມາກິນອາຫານກາງເດີກຈິ່ງເກີດຫົວໃຈລົ້ມເຫຼວ ແລະເສຍຊີວິດໃນທີ່ສຸດ.
Discussion about this post