ຄຸນຄ່າທີ່ຄູ່ຄວນ “ພອນວິໄລ ຫລວງລາດ” ຫຼື ສາວຕຸ້ຍ W11 ຕົວແທນນະຄອນຫຼວງວຽງຈັນ ທັງງາມ ທັງເກັ່ງ ສາວໜ້າຄົມ ຜູ້ມີຮອຍຍິ້ມອັນເປັນສະເໜ່ ເຂົາວ່າຄົນນີ້ແຫຼະທີ່ຈະຮັບມົງ Miss World Laos
ຕໍ່ ຈາກສາວ ສຸພາວະດີ ທັງນີ້ ພອນວິໄລຍັງໄດ້ຮັບລາງວັນພິເສດນາງສາວຜິວໃສໄປຄອງ ມ່ວນເລີຍຈະພາເພື່ອນໆໄປຮູ້ຈັກກັນເລີຍ.ສຳລັບ ພອນວິໄລ ຫຼື ສາວຕຸ້ຍ ອາຍຸ 24 ປີ ມີຝາແຝດທີ່ມີຊື່ວ່າ ວິໄລພອນ ຫຼວງລາດ ແລະ ມີອ້າຍກົກ 1 ຄົນ ປັດຈຸບັນ ເປັນນັກສຶກສາ ກຳລັງຈະຈົບການສຶກສາຢູ່ ສະຖາບັນເສດຖະກິດການເງິນ.
ສ່ວນເຫດຜົນທີ່ມາປະກວດ Miss World Laos ຍ້ອນວ່າ “ມັກຮັກໃນການເປັນນາງງາມ ແລະ ເວທີນີ້ເປັນເວທີຄວາມຝັນຂອງນ້ອງທີ່ຢາກຈະໄປປະກວດຕໍ່ຢູ່ຕ່າງປະເທດເພື່ອທີ່ຈະເຜີຍແຜ່ວັດທະນາທຳຮີດຄອງອັນດີງາມຂອງປະເທດລາວ ແລະ ຍົກສູງບົດບາດພາລະ ແມ່ຍິງໃນເວທີສາກົນ”
ນອກຈາກນີ້, ພອນວິໄລ ຍັງເປັນສາວງາມສາຍປະກວດ ເພາະກ່ອນຫນ້ານີ້ເຄີຍປະກວດ 2 ເວທີຄື: ນາງສາວນະຄອນຫລວງວຽງຈັນ ປີ 2016 ໄດ້ຕຳແຫນ່ງຮອງອັນດັບ 3 ນາງສາວນະຄອນຫລວງວຽງຈັນ ແລະ ອີກເວທີ 1 ແມ່ນ ນາງສາວລາວປີ 2016 ໄດ້ຮັບຕຳແຫນ່ງຮອງອັນດັບ 2 ນາງສາວລາວ ແລະ ລາງວັນພິເສດ ນາງສາວຫນ້າໃສສຸຂະພາບດີ.
ການປະກວດໃນຄັ້ງນີ້ ຜູ້ກ່ຽວ ກຽມຄວາມພ້ອມມາເຕັມ 100 ໃນການຍ່າງການໂພສທ່າ ແລະ ບຸກຄະລິກກະພາບຕ່າງໆ. ພ້ອມສະສົມທຸກປະສົບການຈາກການປະກວດໃນເວທີ ທີ່ຜ່ານມາເພື່ອມາປັບໃຊ້ໃຫ້ເກີດຜົນທີ່ສຸດໃນເວທີນີ້.
ຄະຕິປະຈຳໃຈແມ່ນ “ເຮັດທຸກມື້ນີ້ໃຫ້ດີທີ່ສຸດ”
ສ່ວນນິໄສທົ່ວໄປ ເປັນຄົນອາລົມດີ ມັກຫົວມັກມ່ວນ ແຕ່ເວລາທີ່ຢູ່ກັບຄົນບໍ່ສະໜິດກັນ ຈະບໍ່ເວົ້າຫຍັງເລີຍ. ຄວາມສາມາດພິເສດແມ່ນການກ້າເວົ້າ ກ້າວ່າ ກ້າສະແດງອອກ ແລະ ການເຮັດອາຫານ.
ທ້າຍສຸດນີ້ ຢາກຂໍເຊີນຊວນໃຫ້ທຸກຄົນຊ່ວຍເປັນກຳລັງໃຈໃຫ້ ສັນຍາວ່າຈະເຮັດຫນ້າທີ່ຂອງໂຕເອງໃຫ້ດີທີ່ສຸດ
Discussion about this post