ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ຮຽກຮ້ອງໃຫ້ຜູ້ພົບເຫັນການລັກລອບເຂົ້າປະເທດຂອງຄົນລາວ ຫຼື ຄົນຕ່າງປະເທດ ແບບຜິດກົດໝາຍສາມາດແຈ້ງນາຍບ້ານ, ເຈົ້າໜ້າທີ່ປ້ອງກັນຄວາມສະຫງົບ ແລະ ໂທສາຍດ່ວນກະຊວງສາທາລະນະສຸກທີ່ເບີ 165 ແລະ 166 ເພື່ອເປັນການ ປ້ອງກັນການ ແຜ່ລະບາດຂອງພະຍາດໂຄວິດ-19 ທີ່ຍັງແຜ່ລະບາດຢູ່ປະເທດອ້ອມຂ້າງ ສປປ ລາວ.ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງ
![](https://kkklao.com/wp-content/uploads/2021/04/Screenshot_2021-04-06-11-50-15-34-1024x510.jpg)
ພະຍາດໂຄວິດ-19 ໄດ້ແຈ້ງໃຫ້ຮູ້ຕື່ມວ່າ: ຖ້າຜູ້ໃດໜຶ່ງທີ່ຕິດເຊື້ອພະຍາດໂຄວິດ-19 ແລະ ລັກລອບເຂົ້າເມືອງແບບ ຜິດກົດໝາຍໂດຍບໍ່ປະຕິບັດຕາມມາດຕະການປ້ອງກັນພະຍາດໂຄວິດ-19 ທີ່ກຳນົດໄວ້ ເຊັ່ນ: ບໍ່ໄດ້ກວດອຸນຫະພູມຮ່າງກາຍ, ບໍ່ຈໍາກັດບໍລິເວນ 14 ວັນ ອາດຈະນໍາເຊື້ອພະຍາດດັ່ງກ່າວມາ ແຜ່ເຊື້ອຕໍ່ສະມາຊິກຄອບຄົວ ແລະ
![](https://kkklao.com/wp-content/uploads/2021/04/Screenshot_2021-04-06-11-50-04-29-1024x503.jpg)
ຊຸມຊົນ ຍ້ອນວ່າເຊື້ອພະຍາດດັ່ງກ່າວມີການກາຍພັນ ແບບບໍ່ສະແດງອາການ ນອກນັ້ນພະຍາດນີ້ຍັງສາມາດແຜ່ເຊື້ອໄດ້ໄວກວ່າເກົ່າ. ຜົນກະທົບທີ່ຕາມມາແມ່ນຈະສ້າງຄວາມເສຍຫາຍທາງດ້ານສາທາລະນະສຸກ, ທາງດ້ານເສດ ຖະກິດ, ສັງຄົມ ແລະ ກະທົບໃສ່ສະພາບຄວາມເປັນຢູ່ຂອງປະຊາຊົນໃນ ພື້ນທີ່ນັ້ນທາງກົງ ແລະ ທາງອ້ອມ. ດັ່ງນັ້ນການ
![](https://kkklao.com/wp-content/uploads/2021/04/Screenshot_2021-04-06-11-50-22-34-1024x683.jpg)
ມີສ່ວນຮ່ວມຂອງທຸກຝ່າຍບໍ່ວ່າຈະເປັນເຈົ້າໜ້າທີ່ ແລະ ຊຸມຊົນ ຈະຊ່ວຍໃຫ້ ສປປ ລາວ ສືບຕໍ່ສາມາດຄວບຄຸມ ແລະ ສະກັດກັ້ນພະຍາດດັ່ງກ່າວບໍ່ໃຫ້ມີ ການລະບາດພາຍໃນຊຸມຊົນໄດ້ຢ່າງມີປະສິດທິພາບ.ຮອດປັດຈຸບັນນີ້, ສປປ ລາວ ມີຜູ້ຕິດເຊື້ອສະສົມ 49 ຄົນຈາກພະຍາດໂຄວິດ-19 ໃນນີ້ ປິ່ນປົວຫາຍດີແລ້ວ 46 ຄົນ ຍັງນອນປິ່ນປົວຢູ່ໂຮງໝໍມິດຕະພາບ 3 ຄົນ.ຂ່າວ: ວຽງຈັນທາຍ
Discussion about this post