ຕາມແຫລ່ງຂ່າວຈາກ ຫວຽດນາມ,ກະຊວງ ສາທາລະນະສຸກ ຫວຽດນາມ ພວມພິຈາລະນາ ການສັ່ງຊື້ ວັກແຊງ 150 ລ້ານຊຸດ(ໂດສ) ຈາກຣັດເຊຍ ໃນນີ້ ສ່ວນໜຶ່ງ ເປັນການຊ່ວຍເຫລືອ ຈາກຣັດເຊຍ.ຫລັງຈາກ ໄດ້ກວດພົບ ຜູ້ຕິດເຊື້ອ ລາຍໃໝ່ ໃນນະຄອນ ດານັງ ເຮັດໃຫ້ມີ ການເຝົ້າລະວັງ ຢ່າງເຂັ້ມງວດ ແລະ ຫລາຍເມືອງ ຕ້ອງຢູ່ໃນສະພາບ ການປິດເມືອງ ເພື່ອປ້ອງກັນ ການລະບາດ ຂອງເຊື້ອພະຍາດ ໃນຄັ້ງນີ້.
ຣັດເຊຍ ປະກາດ ເມື່ອອາທິດຜ່ານມາ ໄດ້ພັດທະນາ ວັກແຊງ ຜ່ານການຮັບຮອງ ໃນການນຳໃຊ້ ຢ່າງເປັນທາງການ ແຫ່ງທຳອິດຂອງໂລກ. ຂະນະນີ້ ຫວຽດນາມ ກວດພົບຜູ້ຕິດເຊື້ອ ໂຄວິດ-19 ເພີ່ມອີກ 1 ຄົນ ແມ່ນກັບມາຈາກ ປະເທດ ກີເນ ແລະ ຖືກແຍກປ່ຽວ ພາຍຫລັງ ເຂົ້າເມືອງ ຈົນມາຮອດ ປັດຈຸບັນ ຫວຽດນາມ ກວດພົບ ຜູ້ຕິດເຊື້ອ ໂຄວິດ-19 ສະສົມ 951 ຄົນ, ໃນນັ້ນ 334 ຄົນ ແມ່ນກັບມາຈາກ ຕ່າງປະເທດ ແລະ ຖືກແຍກປ່ຽວ ທັນທີ່ ເມື່ອເຂົ້າເມືອງ, 617 ຄົນ ຕິດໃໝ່ ໃນຊຸມຊົນ.
ໃນນີ້ 477 ຄົນ ແມ່ນກ່ຽວຂ້ອງເຖິງ ນະຄອນ ດາຫນັງ ສະເພາະ ວັນທີ 16 ສິງຫາຜ່ານມາ ມີຜູ້ຕິດເຊື້ອອີກ10 ຄົນ ຈາກຈຳນວນ ປະຊາກອນ ພາຍໃນປະເທດ ທັງໝົດ 95 ລ້ານຄົນ
ຮຽບຮຽງຂ່າວໂດຍ ສະໄຫວ
ເນື້ອໃນ: ຂປລ
Discussion about this post