ວັນທີ 29 ມີນາ 2021 ຢູ່ທີ່ຫ້ອງປະຊຸມພະແນກຍຸຕິທໍາແຂວງ ໄດ້ຈັດພິີທີປາຖະກະຖາລະນຶກ ວັນຄຽດຂອງປະຊາຊົນລາວ, ວັນນັກຮົບເສຍອົງຄະແລະເສຍສະຫຼະຊີວິດ ເພື່ອປະເທດຊາດ ຄົບຮອບ 75 ປີ (21 ມີນາ 1946-21ມີນາ 2021 ) ແລະ ວັນສ້ງຕັ້ງພັກປະຊາຊົົນປະຕິວັດລາວ ຄົບຮອບ 66 ປີ ( 22 ມີນາ 1955-22 ມີນາ 2021 )
![](https://kkklao.com/wp-content/uploads/2021/03/Screenshot_2021-03-29-13-16-02-99.jpg)
ໂດຍການເປັນປະທານ ແລະ ໃຫ້ກຽດເລົ່າຄືນມູນເຊື້ອຂອງ ທ່ານ ສຸລິເດດ ບັນດາກອນ ຮອງຫົວໜ້າພະແນກຍຸຕິທຳແຂວງ, ມີຄະນະພັກ-ຄະນະພະແນກ, ມີສະມາຊິພັກ ແລະ ພະນັກງານລັດ ຖະກອນເຂົ້າຮ່ວມ.
ທ່ານ ສຸລິເດດ ບັນດາກອນ ໄດ້ຍົກໃຫ້ເຫັນວັນສຳຄັນໃນປະຫວັດສາດຂອງຊາດລາວເຮົາ,ເປັນວັນທີ່ພວກຈັກກະພັດໄດ້ສ້າງໂສກນາດຕະກຳໃຫ້ແກ່ປະຊາຊົນລາວເມືອງທ່າແຂກ ແລະ ພະນັກງານນັກຮົບຂອງພວກເຮົາ,
![](https://kkklao.com/wp-content/uploads/2021/03/Screenshot_2021-03-29-13-16-11-81.jpg)
ພ້ອມທັງຮັບຮູ້ເຖິງການກຳເນີດຂອງພັກປະຊາຊົນປະຕິວັດລາວ ເຊິ່ງມີມູນເຊື້ອໃນການຕໍ່ສູ້ຕີເອົາຊະນະຈັກກະພັດຕ່າງດ້າວຜູ້ຮຸກຮານ, ມີມູນເຊື້ອໃນການປົກປັກຮັກສາ ແລະ ສ້າງສາພັດທະນາປະເທດຊາດ, ແນໃສ່ເຮັດໃຫ້ສະມາຊິກພັກ, ພະນັກງານ-ລັດຖະກອນ ຮັບຮູ້ເຂົ້າໃຈຢ່າງເລິກເຊິ່ງຕໍ່ວັນສຳຄັນດັ່ງກ່າວ,
![](https://kkklao.com/wp-content/uploads/2021/03/Screenshot_2021-03-29-13-16-22-26.jpg)
ພ້ອມທັງຕື່ນຕົວເປັນເຈົ້າການເສີມຂະຫຍາຍມູນເຊື້ອ, ສຶກສາອົບຮົມຈິດໃຈຮັກຊາດ, ຮັກລະບອບປະຊາທິປະໄຕ ແລະ ພ້ອມກັນເປັນເຈົ້າການເຂົ້າຮ່ວມໃນການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຢ່າງຮອບດ້ານຂອງພັກ.
ທ່ານໄດ້ຮຽກຮ້ອງໃຫ້ສະມາຊິກພັກ ແລະ ພະນັກງານ-ລັດຖະກອນ ຕ້ອງເສີມຂະຫຍາຍມູນເຊື້ອຂອງພັກປະຊາຊົນປະຕິວັດລາວ ສືບຕໍ່ສຶກສາອົບຮົມຈິດໃຈຮັກຊາດ, ຮັກລະບອບປະຊາທິປະໄຕ ກ້າວຂຶ້ນສູ່ສັງຄົມນິຍົມ
![](https://kkklao.com/wp-content/uploads/2021/03/Screenshot_2021-03-29-13-16-31-29.jpg)
ຕັ້ງໜ້າປຸກລະດົມຂະບວນການເຄື່ອນໄຫວ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຂອງພັກ, ແຜນພັດທະນາເສດຖະກິດ-ສັງຄົມຂອງລັດ ໃຫ້ປະ ກົດຜົນເປັນຈິງເປັນກ້າວໆ.
ພາບ-ຂ່າວ:ພຸດທະຈັກ ວິໄລພອນ
Discussion about this post