ເຫັນດີນຳເດີ້…! ອີງຕາມຂໍ້ຕົກລົງ ເລກທີ 581 ສັ່ງຮື້ຖອນ ສິ່ງປຸກສ້າງອອກຈາກທາງນໍ້າຊອງ ເພື່ອຄວາມເປັນລະບຽບ

ອີງຕາມຂໍ້ຕົກລົງ ກິດຈະການ ຮ້ານອາຫານ ຮ້ານກິນດື່ມ ແລະ ຮ້ານຂາຍເຄື່ອງ ຢູ່ແຄມນໍ້າຊອງ ເມືອງວັງວຽງ ແຂວງວຽງຈັນ ເລກທີ 581/ ຈມ.ວວ

ແມ່ນຫ້າມຜູ້ປະກອບການ ເອົາຕູບ, ໂຕະ, ຕຽງ, ແລະ ສິ່ງກີດຂວາງຕ່າງໆ ລົງເກີນຂອບເຂດ ທີ່ກໍາໜົດໄວ້ ເພາະເປັນການຕັນທາງນໍ້າ

ຕົກມາຮອດວັນທີ 16 ມີນາ 2021 ຄະນະສະເພາະກິດ ໄດ້ລົງໄປຮື້ຖອນ ເອົາສິ່ງປຸກສ້າງ ອອກຈາກທາງນໍ້າ ເພື່ອສ້າງຄວາມເປັນລະບຽບຮຽບຮ້ອຍ ໃຫ້ສາຍນໍ້າຊອງ

ທັງຍັງເປັນການຮັກສາ ທັດສະນີຍະພາບ ຂອງສາຍນໍ້າຊອງ ໃຫ້ມີຄວາມຈົບງາມ ແລະ ສະອາດງາມຕາ ຢູ່ຕະຫຼອດເວລາ