ສັບພະຄຸນ 5 ຄຸນປະໂຫຍດດີໆຈາກ “ນໍ້າອ້ອຍ” ຫລຸດຜ່ອນການປວດປະຈຳເດືອນ,ຫລຸດຜ່ອນອາການເມື່ອຍ,ອ່ອນເພຍ

ສາລະໜ້າຮູ້ສັບພະຄຸນ 5 ຄຸນປະໂຫຍດດີໆຈາກ “ນໍ້າອ້ອຍ” ຫລຸດຜ່ອນການປວດປະຈຳເດືອນ,ຫລຸດຜ່ອນອາການເມື່ອຍ,ອ່ອນເພຍ ປະໂຫຍດແລະສັບພະຄຸນຂອງນ້ຳອ້ອຍມີດັ່ງນີ້:

1. ຫຼຸດຜ່ອນອາການປວດປະຈຳເດືອນສາວໆຫຼາຍຄົນມັກຈະມີອາການເຄັ່ງຕຶງທຸກຄັ້ງທີ່ເປັນປະຈຳເດືອນ ເພາະມັກຈະມີອາການເຈັບທ້ອງຢູ່ຕະຫຼອດເວລາ. ແຕ່ຫຼັງຈາກນີ້ບໍ່ຕ້ອງກັງວົນອີກຕໍ່ໄປ ພຽງຫັນມາຈິບນໍ້າອ້ອຍເປັນປະຈຳ ຈະຊ່ວຍຫຼຸດຜ່ອນອາການປວດຕ່າງໆໃນໄລຍະທີ່ມີປະຈຳເດືອນລົງໄດ້ ເພາະໃນນໍ້າອ້ອຍນັ້ນມີທາດເຫຼັກທີ່ຈະຊ່ວຍບຳລຸງເລືອດ, ເຮັດໃຫ້ເລືອດໄຫຼວຽນສະດວກດີ. ນອກຈາກຈະຊ່ວຍຫຼຸດຜ່ອນອາການປວດປະຈຳເດືອນໄດ້ແລ້ວ ສານອາຫານໃນນໍ້າອ້ອຍຍັງຊ່ວຍໃຫ້ຜິວພັນດີຂຶ້ນອີກດ້ວຍ.

2. ຫຼຸດຜ່ອນອາການເມື່ອຍ ແລະ ອ່ອນເພຍມື້ໃດທີ່ເຮົາຮູ້ສຶກເມື່ອຍ, ອ່ອນເພຍ, ບໍ່ມີແຮງຈະເຮັດຫຍັງ ລອງຈິບນໍ້າອ້ອຍເບິ່ງ ຈະຊ່ວຍໃຫ້ມີຄວາມສົດຊື່ນຂຶ້ນ ເພາະໃນນໍ້າອ້ອຍມີໂຊດຽມ ແລະ ໂພແທສຊຽມ ທີ່ຈະຊ່ວຍປັບສົມດຸນຂອງນໍ້າໃນຮ່າງກາຍ ເຮັດໃຫ້ຫົວໃຈແຂງແຮງ, ບຳລຸງສະໝອງໃຫ້ປອດໂປ່ງ, ເລືອດໄຫຼວຽນສະດວກ ແລະ ຍັງຊ່ວຍຫຼຸດຜ່ອນຄວາມເຄັ່ງຕຶງໄດ້ອີກດ້ວຍ.

3. ຊ່ວຍບໍາລຸງແຂ້ວໃຫ້ແຂງແຮງເຖິງແມ່ນວ່ານໍ້າອ້ອຍຈະມີລົດຊາດຫວານ ແຕ່ກໍບໍ່ຕ້ອງຢ້ານວ່າຈະເປັນແຂ້ວແມງ ເພາະໃນນໍ້າອ້ອຍມີແຄລຊຽມ ແລະ ຟອສຟໍຣັສ ທີ່ດີຕໍ່ສຸຂະພາບແຂ້ວ, ດື່ມແລ້ວຈະຊ່ວຍສ້ອມແປງສ່ວນທີ່ຜຸພັງພາຍໃນຮ່າງກາຍ ບໍ່ວ່າຈະເປັນກະດູກ ແລະ ແຂ້ວ. ນອກນັ້ນຍັງມີປະໂຫຍດວນການຊ່ວຍລົດກິ່ນປາກອີກດ້ວຍ.

4. ຫຼຸດຜ່ອນອາການຂັບຖ່າຍຍາກສຳລັບໃຜທີ່ມີບັນຫາຂັບຖ່າຍບໍ່ສະດວກ ນໍ້າອ້ອຍກໍຊ່ວຍໄດ້ເຊັ່ນກັນ ເພາະໂພແທສຊຽມໃນນໍ້າອ້ອຍຈະເຮັດໜ້າທີ່ຊ່ວຍໃນການກຳຈັດຂອງເສຍອອກຈາກລຳໄສ້, ຊ່ວຍຂັບປັດສາວະ ຫາກດື່ມເປັນປະຈຳກໍຈະຊ່ວຍໃຫ້ລະບົບຂັບຖ່າຍເຮັດວຽກໄດ້ຢ່າງເປັນປົກກະຕິ ແລະ ຊ່ວຍປ້ອງກັນໜິ້ວໄດ້.

5. ຊ່ວຍເສີມສ້າງພູມຕ້ານທານໃນນໍ້າອ້ອຍ ນອກຈາກຈະມີສານອາຫານສຳຄັນຕໍ່ຮ່າງກາຍແລ້ວ ຍັງມີວິຕາມິນບີ

6 ທີ່ເປັນຕົວຊ່ວຍໃນການເສີມສ້າງພູມຕ້ານທານໃຫ້ກັບຮ່າງກາຍ, ຊ່ວຍລົດອັດຕາສ່ຽງໃນການເປັນພະຍາດຕ່າງໆ ໂດຍສະເພາະພະຍາດຜິວໜັງ ແລະ ມະເຮັງເຕົ້ານົມ

ລວມເຖິງມະເຮັງຕ່ອມລູກໝາກ ບໍ່ວ່າຈະເປັນເພດໃດ, ໄວໃດ ກໍສາມາດດື່ມໄດ້.ເຫັນບໍ່ວ່າ ປະໂຫຍດຂອງນໍ້າອ້ອຍນັ້ນມີຫຼາກຫຼາຍປະການ, ຫາກດື່ມເປັນປະຈຳໃນປະລິມານທີ່ເໝາະສົມກໍຈະຊ່ວຍໃຫ້ສຸຂະພາບຮ່າງກາຍແຂງແຮງຂຶ້ນໄດ້

ແຕ່ກໍຢ່າລືມຮັບປະທານອາຫານທີ່ມີປະໂຫຍດຄຽງຄູກັນໄປນຳ, ພ້ອມກັບນອນຫຼັບພັກຜ່ອນໃຫ້ພຽງພໍ ແລະ ອອກກຳລັງກາຍຢ່າງສະໝໍ່າສະເໝີ ເພື່ອຊ່ວຍບຳລຸງສຸຂະພາບໂດຍລວມໃຫ້ດີຍິ່ງຂຶ້ນໄປອີກນັ້ນເອງ.