ມາຮອດລາວແລ້ວ ວັກຊີນກັນພະຍາດໂຄວິ ດ-19 ຈາກ ອົດສະຕຣາລີ

ມາຮອດລາວແລ້ວ !!! ອົດສະຕຣາລີ, ຄູ່ຮ່ວມພັດທະນາ ແລະ ລັດຖະບານລາວ ດີໃຈທີ່ວັກຊີນກັນພະຍາດໂຄວິດ-19 ມາຮອດລາວ ເຊິ່ງແມ່ນວັກຊີນຊຸດທຳອິດທີ່ໄດ້ຮັບຈາກໂຄງການໂຄແວກສ. ພວກເຮົາມີຄວາມພາກພູມໃຈທີ່ໄດ້ຊ່ວຍໃຫ້ເກີດຜົນສຳເລັດໃນຂັ້ນທຳອິດນີ້.

ລັດຖະບານອົດສະຕຣາລີ🇦🇺ໄດ້ໃຫ້ທຶນຊ່ວຍເຫຼືອ 80 ລ້ານໂດລາອົດສະຕຣາລີ ເຂົ້າໃນໂຄງການຊ່ວຍເຫຼືອວັກຊີນສາກົນນີ້ ເຊິ່ງນອກຈາກການຊ່ວຍເຫຼືອນີ້ແລ້ວ ພວກເຮົາຍັງໄດ້ຊ່ວຍໃຫ້ທຶນຈຳນວນ 623 ລ້ານໂດລາ ເຂົ້າໃນໂຄງການຊ່ວຍເຫຼືອວັກຊີນໃນພາກພື້ນ.Australia in Laos 🇱🇦

ສປປ ລາວ ໄດ້ຮັບວັກຊີນກັນພະຍາດໂຄວິດ-19ຈາກໂຄງການ COVAX facility 132.​000 ໂດສ ໃນວັນທີ 20 ມີນາ 2021​ ນີ້ ສປປ ລາວ ໄດ້ຮັບວັກຊີນກັນພະຍາດໂຄວິດ-19 ຈາກໂຄງການ COVAX facility ຈຳນວນ 132.​000 ໂດສ.​

ທ່ານ ຮສ ດຣ. ບຸນກອງ ສີຫາວົງ, ລັດຖະມົນຕີກະຊວງສາທາລະນະສຸກ ກ່າວວ່າ: ມື້ນີ້ ສປປ ລາວ ໄດ້ຮັບວັກຊີນກັນພະຍາດໂຄວິດ-19ຈາກໂຄງການ COVAX facility ຈຳນວນ132.​000 ໂດສ ເຊິ່ງເປັນເຫດການທາງປະຫວັດສາດທີ່ສຳຄັນ.

ຂ້າພະເຈົ້າຂໍສະແດງຄວາມຂອບໃຈ ແລະ ຮູ້ບຸນຄຸນຕໍ່ກັບໂຄງການ COVAX facility. ການມາຮອດຂອງວັກຊີນກັນພະຍາດໂຄວິດ-19 ໃນຊຸດນີ້ ເຮັດໃຫ້ ສປປ ລາວ ມີບາດກ້າວທີ່ສຳຄັນໃນການຕໍ່ສູ້ກັບການລະບາດຂອງພະຍາດໂຄວິດ-19.”

Cr: ສູນຂ່າວສານການແພດ