ວັນທີ 10 ມີນາ 2021 ໄດ້ມີພິທີມອບຮັບໜ້າທີ່ເລຂາຄະນະພັກ, ຮັກສາການປະທານສານປະຊາຊົນສູງສຸດ ຕາມມະຕິຕົກລົງຂອງ ກົມການເມືອງສູນກາງພັກ ເລກທີ 08/ກມສພ ລົງວັນທີ 03 ມີນາ 2021 ວ່າດ້ວຍການແຕ່ງຕັ້ງ ເລຂາຄະນະບໍລິຫານງານພັກ ສານປະຊາຊົນສູງສຸດ ລະຫວ່າງ
![](https://kkklao.com/wp-content/uploads/2021/03/Screenshot_2021-03-13-19-27-09-64-1024x613.jpg)
ທ່ານ ຄຳພາ ແສງດາຣາ ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ(ຜູ້ເກົ່າ) ແລະ ທ່ານ ນາງ ວຽງທອງ ສີພັນດອນ ເລຂາທິການສູນກາງພັກ, ຮັກສາການປະທານສານປະຊາຊົນສູງສຸດ(ຜູ້ໃໝ່).
ໂດຍເຂົ້າຮ່ວມ ຂອງ ທ່ານ ນາງ ສີໃສ ລືເດດມູນສອນ ກໍາມະການກົມການເມືອງສູນກາງພັກ, ເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ ພ້ອມດ້ວຍແຂກທີ່ມີກຽດ, ອະດີດການນໍາ ອາວຸໂສບໍານານ,
![](https://kkklao.com/wp-content/uploads/2021/03/Screenshot_2021-03-13-19-26-59-42-1024x566.jpg)
ພະນັກງານຫຼັກແຫຼ່ງຂອງສານປະຊາຊົນສູງສຸດ ແລະ ບັນດາການນໍາຂອງສານປະຊາຊົນທ້ອງຖິ່ນຂົງເຂດນະຄອນຫຼວງວຽງຈັນ ເຂົ້າຮ່ວມເປັນສັກຂີພິຍານ. ພ້ອມທັງໄດ້ສັງລວມຫຍໍ້ຜົນສໍາເລັດໃນການເຄື່ອນໄຫວວຽກງານຜ່ານມາ ແລະ ທິດທາງແຜນການທີ່ສຳຄັນ ເພື່ອສືບຕໍ່ຊີ້ນໍາ-ນຳພາໃນຕໍ່ໜ້າ.
ທີ່ມາຂອງຂ່າວ: ສານປະຊາຊົນສູງສຸດ
Discussion about this post