ລົດພວງ 18 ລໍ້ ຫຍຽບເດັກນ້ອຍ ສະຫມອງກະຈາຍ ດັບຄາທີ່

ລົດພວງ 18 ລໍ້ ຫຍຽບເດັກນ້ອຍ ສະຫມອງກະຈາຍ ດັບຄາທີ່ເມື່ອວັນທີ 12 ມີນາ 21 ທີ່ຜ່ານມາ ລົດບັນທຸນສິນຄ້າ ພວງ18 ລໍ້ ລະຫວ່າງປະເທດ ທະບຽນ 71- 0578 ໄດ້ຫຍຽບເດັກນ້ອຍ ສະຫມອງກະຈາຍຕິດຕີນລົດ ເສຍຊີວິດຄາທີ່

ຕໍ່ມາພົນລະເມືອງດີ ແລະ ຕຳຫລວດຈາລາຈອນ ແຈ້ງເຈົ້າຫນ້າທີ່ ຕຳຫລວດສະກັດຈັບເອົາໄວ້ໄດ້ກ່ອນຈະເດີນທາງຂ້າມປະເທດ ເຫດການເກີດຂື້ນຢູ່ແຖວໃກ້ໂຮງງານຊີມັງເມືອງມະຫາໄຊ ແຂວງຄຳມ່ວນ ຜູ້ຕາຍອາຍຸປະມານ10ປີເປັນຄົນບ້ານນາດູ່ ມະຫາໄຊ ລົດຕຳແມ່ນລົດພວງຄົນໄທຂັບ ກຳລັງຊິອອກໄປດ່ານຕໍມໍ ຂົວມິດຕະພາບ3

ເບື້ອງຕົ້ນຄົນຂັບລົດບໍ່ຍອມຮັບສາລະພາບ ແຕ່ເຈົ້າຫນ້າທີ່ໄດ້ກວດສອບຕາມ ຕີນລົດພົບວ່າມີອະໄວຍະວະບາງສ່ວນຕິດມານຳ(ສະຫມອງ) ເລີຍເຮັດໃຫ້ໂຊເຟີຕ້ອງຮັບສາລະພາບ ແລະ ເຈົ້າຫນ້າທີ່ຕຳຫລວດໄດ້ຄວບຄຸມຕົວໄປດຳເນີນຄະດີຕາມກົດຫມາຍ ແຫ່ງ ສປປ.ລາວ.

ຂໍ້ມູນຈາກ:ພອນວິໄລ ສີສຸວັນນະພາ

ໄລ່ຕາມກະແສຂ່າວ ລາວ-ໄທ ລາຍງານ