ໃຜທີມັກໄປທາງຊຽງດາ ໜຸ່ມລົງຊ່ວຍ ແຕ່ເປັນໂ ຈ ນ ຖື ກມີ ດຈີ້ ຄໍ ເສ ຍເງິນ6ລ້ານກົດອ່ານ

ຝາກເຕືອນທຸກໆຄົນໄປໃສມາໃສຢ່າງມີສະຕິລະມັດລະວັງແລະໃຫ້ເອົາເຫດການນີ້ເປັນບົດຮຽນອັນຍິງໃຫຍ່ ຄວາມຮູ້ສຶກຂ້ອຍຕອນນີ້ມັນແຕກສະລາຍໄປເບິດແລ້ວບໍ່ຄິດບໍ່ຝັນເລີຍວ່າມັນສິເກີດຂຶ້ນມາໄດ້ ຄັ້ງຫນຶ່ງໃນຊີວິດທີ່ໄດ້ເຈີກັບເຫດການທີ່ເສຍຄວາມຮູ້ສຶກແລະເປັນຕາຢ້ານຫລາຍ

ເລື່ອງມີຢູ່ວ່າ ຂ້ອຍໄປເອົາເງິນຫມູ່ໄຊ້ຫນີ້ຢູ່ບ້ານນ້ອຍຊຽງດາ ໄປຕອນ5ໂມງແລງ ພໍດີນັ່ງຫລິ້ນລົມກັນກັບຫມູ່ຮອດ7ໂມງຄຳ ຕອນກັບມາເວລາປະມານຢູ່7ໂມງເຄິງ ຂີ່ລົດຈັກມາ ພໍດີເຫັນຜູ້ຊາຍຄົນ1ຈູງລົດຈັກມາຕາມທາງແລ້ວມັນໂບກມືໃຫ້ຈອດ ຂ້ອຍກະຈອດແລ້ວຖາມວ່າເປັນຫຍັງອ້າຍ ມັນວ່າຂໍຄວາມຊ່ວຍເຫລືອແນ່ ນ້ຳມັນລົດເບິດ ແລະຂ້ອຍກະຈອດລົດໄປຫາມັນ ແລ້ວມັນກະເປີດໄຟໂທລະສັບຂຶ້ນມາ ທຳທ່າເຍື່ອງໃສ່ລົດມັນ!

ບາດນີ້ມີຜູ້ຊາຍ2ຄົນອອກມາຈາກໃສກະບໍ່ຮູ້ ເພາະຂ້ອຍກຳລັງເບິ່ງລົດຈັກມັນ ທີ່ວ່ານ້ຳມັນເບິດແລະຜູ້ຊາຍ2ຄົນແລ່ນເຂົ້າມາຈັບຂ້ອຍແລ້ວເອົາມີດໃສ່ຄໍຂ້ອຍ ແລ້ວ2ຄົນຂົນໂຕຈົກເອົາເງິນໃນຖົງໂສ້ງຂ້ອຍຈຳນວນ6,082,000ແລະສາຍຄໍຄຳ1ບາດປົດເອົາໃນຄໍຂ້ອຍຮ້ອງສຸດແຮງແລ້ວແຕ່ບໍ່ມີຄົນຢູ່ໃກ້ນັ້ນເລີຍ ມັນຍັງສີເອົາລົດຈັກນຳອີກ ດີແຕ່ໂທລະສັບຂ້ອຍໃສ່ຖົງເສື້ອແລະກະແຈ່ລົດຢູ່ນຳຂ້ອຍ

ເພາະວ່າມັນເອົາເງິນກັບສາຍຄໍແລ້ວມັນກະປ່ອຍ ຂ້ອຍກະແລ່ນຫນີເລີຍ 2ຄົນແລ່ນໄປເອົາລົດຈັກອີກແຕ່ກະແຈລົດຢູ່ນຳຂ້ອຍ ມັນຢ້ານຄົນມາແນ່ມັນເລີຍໄປ ໂຈນມີ3ຄົນ ຜູ້1ຄົນຈ່ອຍສູງ 2ຄົນໂຕໃຫຍ່ສູງ ຂີ່ລົດເວປໄອສີດຳ ບໍ່ມີປ້າຍ ເກີດເຫດຢູ່ທາງດິນແດງທີ່ກຳລັງເຮັດໃຫມ່ ຢູ່ບ່ອນມືດໆບ່ອນທີ່ຂະເຈົ້າຖົມດິນຫລາຍໆແຖວແຄມທາງ ບ້ານນ້ອຍຊຽງດາ

ຝາກເຕືອນທຸກໆຄົນໄປໃສມາໃສຢ່າງມີສະຕິລະມັດລະວັງແລະໃຫ້ເອົາເຫດການນີ້ເປັນບົດຮຽນອັນຍິງໃຫຍ່ແຈ້ງຕຳລວດແລ້ວ ຂໍໃຫ້ເພິ່ນປະຕິບັດຕາມຫນ້າທີ່ຢ່າງເຂັ້ມງວດ ເພື່ອໃຫ້ບ້ານເມືອງລາວເຮົາຢູ່ຢ່າງສະຫງົບ