ນາຍົກໄທ !! ສັ່ງພິຈາລະນາການເປີດດ່ານໄທ-ລາວ 3 ແຫ່ງ ເພີ່ມປະລິມານການສົ່ງອອກສິນຄ້າ

ສຳນັກຂ່າວ ກຸງເທບທຸລະກິດ ໄດ້ລາຍງານວ່າ: ພົນເອກ ປະຍຸກ ຈັນໂອຊາ ນາຍົກລັດຖະມົນຕີ ແຫ່ງ ຣາຊະອະນາຈັກໄທ ໄດ້ສັ່ງການໃນກອງປະຊຸມຄະນະລັດຖະມົນຕີ ໃຫ້ໜ່ວຍງານທີ່ກ່ຽວຂ້ອງຮັບເລື່ອງພິຈາລະນາແນວທາງການເປີດດ່ານຊາຍແດນໄທ-ລາວ 3 ແຫ່ງ ຄື:

1. ດ່ານທ່າສະເດັດ ທ່າເຮືອຫາຍໂສກ ອຳເພີເມືອງ ຈັງຫວັດໜອງຄາຍ ກົງກັນຂ້າມກັບ ດ່ານທ່າເດືອ ເມືອງ ຫາຍຊາຍຟອງ ນະຄອນຫຼວງວຽງຈັນ2. ດ່ານບ້ານປາກແຊງ ອຳເພີນາຕານ ຈັງຫວັດ ອຸບົນລາດຊະທານີ ກົງກັນຂ້າມກັບ ບ້ານປາກຕາພານ ເມືອງ ລະຄອນເພັງ ແຂວງ ສາລະວັນ3. ດ່ານບ້ານຊຽງຄານ ອຳເພີຊຽງຄານ ຈັງຫວັດ ເລີຍ ກົງກັນຂ້າມກັບເມືອງ ຊະນະຄາມ ແຂວງ ໄຊຍະບູລີເຊີ່ງທັງໝົດນີ້, ເກີດຈາກທີ່ ພາກເອກະຊົນຂອງໄທ ໄດ້ສະເໜີ ໃນກອງປະຊຸມຄະນະກົມການຮ່ວມພາກລັດ ແລະ ເອກະຊົນ ດ້ານການຄ້າ ເພື່ອເພີ່ມການສົ່ງອອກສິນຄ້າໃຫ້ໄດ້ຫຼາຍທີ່ສຸດ ໂດຍອາດຈະເລີ່ມຕົ້ນຈາກການຂົນສົ່ງສິນຄ້າຂ້າມຊາຍແດນ ພ້ອມກັບມາດຕະການການຄວບຄຸມພະຍາດໂຄວິດ-19