ຜົນການດຳເນີນງານທະນາຄານການຄ້າຕ່າງປະເທດລາວ ໃນປີ 2021 ກຳໄລສຸດທິ 11.410 ລ້ານກີບ

ເປັນອີກປີໜຶ່ງທີ່ການດຳເນີນທຸລະກິດຂອງ ທຄຕລ ຍັງຄົງສືບຕໍ່ພົບກັບຄວາມຫຍຸ້ງຍາກ ແລະ ທ້າທາຍຫຼາຍດ້ານ ພາຍໃຕ້ສະພາບການລະບາດຂອງພະຍາດໂຄວິດ-19 ທີ່ຍັງຄົງລະບາດເປັນວົງກວ້າງ, ແຕ່ເຖິງຢ່າງໃດ ຕໍ່ຕາມ ທຄຕລ ໄດ້ອອກແຮງສູ້ຊົນໃນການຈັດຕັ້ງປະຕິບັດຜົນການດໍາເນີນທຸລະກິດ ເຊິ່ງມີຕົວເລກການປະຕິບັດທຽບໃສ່ແຜນການປີ 2021 ທີ່ໄດ້ດັດແກ້ໃໝ່ດັ່ງລຸ່ມນີ້:

– ຍອດຊັບສິນ: 68.236.991 ລ້ານກີບ ທຽບໃສ່ປີຜ່ານມາເພີ່ມຂຶ້ນ 26,43%;

– ຍອດເງິນຝາກ: 61.802.739 ລ້ານກີບ ທຽບໃສ່ປີຜ່ານມາເພີ່ມຂຶ້ນ 28,82%;

– ຍອດເງິນກູ້ທັງໝົດ: 30.080.974 ລ້ານກີບ ທຽບໃສ່ປີຜ່ານມາເພີ່ມຂຶ້ນ 3,18%;

– ທຶນທັງໝົດ: 2.132.146 ລ້ານກີບ ທຽບໃສ່ປີຜ່ານມາຫຼຸດລົງ -3,65%;

– ກຳໄລສຸດທິ: 11.410 ລ້ານກີບ, ທຽບໃສ່ປີຜ່ານມາຫຼຸດລົງ 95,31%.

ເຊິ່ງ 10 Story ວິເຄາະຈາກເອກະສານການເງິນ ປັດໄຈທີ່ເຮັດໃຫ້ທະນາຄານການຄ້າຕ່າງປະເທດລາວມີກຳໄລສຸດທິຫຼຸດລົງຫຼາຍ ເນື່ອງການແຜ່ລະບາດໂຄວິດ-19 ສົ່ງຜົນໃຫ້ພາກທຸລະກິດໄດ້ຮັບຜົນກະຫຼາຍພໍ່ສົມຄວນ ເຮັດໃຫ້ບໍ່ສາມາດຊຳລະໜີ້ທະນາຄານໄດ້ ເຊິ່ງສະແດງອອກ ລາຍຈ່າຍການສູນເສຍຂອງເງິນກູ້ໃຫ້ແກ່ລູກຄ້າມີເຖິງ 649,075 ລ້ານກີບ ທຽບລາຍຮັບຄິດເປັນ 23.66% ແລະທຽບປີຜ່ານມາເພີ່ມຂື້ນ 36.8%

ໃນຂະນະດຽວກັນ ການແຜ່ລະບາດໂຄວິດ-19 ຍັງສົ່ງຜົນຕໍ່ການລົງທຶນ ແລະ ປະຊາຊົນສ່ວນຫຼາຍຮູ້ສືກ Panic ເຮັດໃຫ້ຄົນບໍ່ກ້າທີ່ຈະໃຊ້ຈ່າຍ ແລະ ປ້ອງກັນຄວາມສ່ຽງ ໂດຍການນຳເງິນໄປຝາກໄວ້ກັບທະນາຄານ ເຊິ່ງສະແດງອອກຍອດເງິນຝາກທະນາຄານເຖິງ 61,802,739 ລ້ານກີບ ທຽບໃສ່ປີຜ່ານມາເພີ່ມຂຶ້ນ 28.82% ສົ່ງຜົນເຮັດໃຫ້ທະນາຄານການຄ້າມີຄ່າໃຊ້ຈ່າຍເງິນຝາກລູກຄ້າເພີ່ມຂື້ນເຖິງ 1,492,316 ລ້ານກີບ ທຽບປີຜ່ານມາເພີ່ມຂື້ນ 13.2%

ເຫດຜົນເຫຼົ່ານີ້ ອາດເຮັດໃຫ້ທະນາຄານການຄ້າ ງົດການຈ່າຍເງິນປັນຜົນໃນປີນີ້ ເຊິ່ງເປັນປີທຳອິດນັບຕັ້ງແຕ່ຈົດທະບຽນເຂົ້າຕະຫຼາດຫຼັກຊັບ

ຂໍ້ມູນຈາກ: LSX ແລະ 10 STORY ເລື່ອງເລົ່າຂອງ 10