ສຳນັກຂ່າວ ຣອຍເຕີ,ວັນທີ9 ພຶດສະພານີ້ ທຳນຽບ ລັດຖະບານ ສີລັງກາ ອອກຖະແຫລງ ການວ່າ:ທ່ານ ມາຫິນທາ ຣາຈາປັດຊາ(Mahinda Rajapaksa),ລາອອກຈາກ ຕຳແໜ່ງ ນາຍົກ ລັດຖະມົນຕີ ສີລັງກາ ເນື່ອງຈາກ ເປັນທາງອອກ ທີ່ດີສຸດ ໃນການຫລຸດຜ່ອນ ຄວາມຮຸນແຮງ ຂອງວິກິດການ ທີ່ເກີດຂຶ້ນ ແລະ ເພື່ອການຈັດຕັ້ງ ລັດຖະບານ ຊຸດໃໝ່ ພາຍຫລັງ ປະກາດ ສະຖານະການ ສຸກເສີນ ຕັ້ງແຕ່ທ້າຍອາທິດ ຜ່ານມາ
![](https://kkklao.com/wp-content/uploads/2022/05/1-10.jpg)
ເນື່ອງຈາກ ມີການປະທ້ວງ ຮຸນແຮງ ຂະຫຍາຍອອກ ເປັນວົງກວ້າງ ເຮັດໃຫ້ເກີດການປະທະກັນ ລະຫວ່າງ ກຸ່ມຄົນປະທ້ວງ ແລະ ເຈົ້າໜ້າທີ່ ຮັກສາ ຄວາມສະເຫງົາ ມີຜູ້ບາດເຈັບກວ່າ 20ຄົນ.
![](https://kkklao.com/wp-content/uploads/2022/05/2-10.jpg)
ປັດຈຸບັນ ສີລັງກາ ພວມຜະເຊີນກັບ ວິກິດ ທາງເສດຖະກິດ ຮຸນແຮງທີ່ສຸດ ນັບແຕ່ ໄດ້ຮັບ ເອກະລາດ ຈາກອັງກິດ ເມື່ອປີ 1948,ບັນຫາ ການຂາດແຄນ ອາຫານ ແລະ ພະລັງງານ ສົ່ງຜົນໃຫ້ມີ ການຕັດໄຟຟ້າ ວັນລະ 13ຊົ່ວໂມງ ແລະ ບັນຫາ ອື່ນໆອີກ.
![](https://kkklao.com/wp-content/uploads/2022/05/3-6-1024x576.jpg)
(ພາບຂ່າວ:ຕ່າງປະເທດ) ຮຽບຮຽງຂ່າວໂດຍ:ສະໄຫວ ລາດປາກດີ
Discussion about this post