ບັນດາຜູ້ນຳອາວຸໂສຂອງສະຫະລັດ, ການາດາ ແລະ ສະຫະສະຫະຣາສະອານາຈັກ
ອັງກິດ ໄດ້ຍ່າງອອກຈາກກອງປະຊຸມຂອງກຸ່ມ 20 ປະເທດທີ່ມີເສດຖະກິດໃຫຍ່ ສຸດຂອງໂລກ ຫຼື G-20 ໃນວັນພຸດວານນີ້ ໃນການປະທ້ວງກັບການຕັດສິນໃຈຂອງກຸ່ມ G-20 ທີ່ໄດ້ອະນຸຍາດໃຫ້ພວກເຈົ້າໜ້າທີ່ ຣັດເຊຍ, ລວມທັງລັດຖະມົນຕີການເງິນທ່ານ ແອນທອນ ຊີລົວນອຟ, ເຂົ້າຮ່ວມ.
![](https://kkklao.com/wp-content/uploads/2022/04/2-29-1024x683.jpg)
ສະຫະລັດ ແລະ ສະມາຊິກອື່ນໆຂອງ G-20 ໄດ້ຮຽກຮ້ອງ ອິນໂດເນເຊຍ, ເຊິ່ງປັດຈຸບັນເປັນປະທານວຽນຂອງອົງການດັ່ງກ່າວ, ໃຫ້ຫ້າມຣັດເຊຍຈາກການເຂົ້າຮ່ວມກອງປະຊຸມຍ້ອນການບຸກລຸກຢູເຄຣນຂອງພວກເຂົາທີ່ກຳລັງດຳເນີນຢູ່.
ຂໍ້ເທັດຈິງທີ່ ຣັດເຊຍ ໄດ້ຮັບອະນຸຍາດໃຫ້ເຂົ້າຮ່ວມນັ້ນໄດ້ເນັ້ນໃຫ້ເຫັນຄວາມແຕກແຍກທີ່ສຳຄັນຢູ່ພາຍໃນອົງການດັ່ງກ່າວໃນການແກ້ໄຂສົງຄາມໃນຢູເຄຣນ.
![](https://kkklao.com/wp-content/uploads/2022/04/3-23-1024x683.jpg)
ແນວໃດກໍ່ຕາມ ຢູເຄຣນ ບໍ່ແມ່ນສະມາຊິກຂອງ G-20, ລັດຖະມົນຕີການຕ່າງປະເທດ ຢູເຄຣນ ທ່ານ ດມິໂທຣ ຄູເລບາ ແລະ ລັດຖະມົນຕີການເງິນ ທ່ານ ເຊີຮີ ມາເຊັນໂກ ແມ່ນໄດ້ຖືກເຊື້ອເຊີນໃຫ້ເຂົ້າຮ່ວມກອງປະຊຸມດັ່ງກ່າວ.
![](https://kkklao.com/wp-content/uploads/2022/04/4-15.jpg)
ໃນການກ່າວຄຳປາໄສຢູ່ຕອນເລີ່ມຕົ້ນຂອງກອງປະຊຸມນັ້ນ, ທ່ານ ຄູເລບາ ໄດ້ປະຕິຍານວ່າ ຢູເຄຣນ ຈະບໍ່ຍອມເສຍເຂດແດນໃຫ້ຣັດເຊຍ ອັນເປັນສ່ວນນຶ່ງຂອງການເຈລະຈາສັນຕິພາບ.
![](https://kkklao.com/wp-content/uploads/2022/04/1-31.jpg)
ທັງທ່ານ ຄູເລບາ ແລະ ທ່ານ ມາເຊັນໂກ ກໍໄດ້ເຂົ້າຮ່ວມໃນການຍ່າງອອກຈາກກອງປະຊຸມ.
Discussion about this post