ຢືນຢັນຍັງບໍ່ຕາຍ…ວາລີ ສະໄນເປີ້ມື້ໜື່ງ ອັດຄລິບເລົ່າຂ້ອຍຍັງບໍ່ຕາຍ ແຕ່ກໍ່ເກືອບຖືກລູກປືນຈາກລົດຖັງຣັດເຊຍ

ວາລີ ສະໄນເປີ້ລະດັບໂລກ ອັດຄລິບຕອບໂຕ້ຂ່າວລືວ່າສຍຊີວິດໃນຢູເຄຣນ ຫຼັງເຂົ້າຮ່ວມຕໍ່ສູ້ພຽງແຕ່ 20ນາທີ

ຂ່າວລືວ່າ ລາວໄດ້ເສຍຊີວິດລະຫວ່າງສູ້ຮົບແລ້ວ ແຕ່ຈາກການສຶກສາກວດສອບແຫຼ່ງຂ່າວທີ່ເຊື່ອຖືໄດ້ແມ່ນຍັງບໍ່ມີລາຍງານເທື່ອກ່ຽວກັບການເສຍຊີວິດຄືທີ່ບາງສື່ກ່າວອ້າງ

ລ່າສຸດວັນທີ 23 ມີນາ 2022 ວາລີ ສະໄນເປີ້ມື້ໜື່ງ ໄດ້ມາອັດຄລິບເລົ່າເຫດການ ຂ້ອຍຍັງບໍ່ຕາຍ ເຫັນແລ້ວແມ່ນບໍ່ ຂ້ອຍບໍ່ມີແມ້ແຕ່ຮອຍຂີດ ຂ້ອຍໜ້າຈະເປັນຄົນສຸດທ້າຍທີ່ຮູ້ເລື່ອງວ່າຂ້ອຍຕາຍ

ວາລີ ນັກແມ້ນປືນສະຖິຕິໂລກ ທີ່ບຸກໄປຊ່ວຍຢູເຄຣນຕີເສີກກັບເບື້ອງຫຼັງທີ່ທ່ານຍັງບໍ່ຮູ້

ໜຶ່ງໃນນັກແມ້ນປືນທີ່ໜ້າເກງຂາມທີ່ສຸດໃນໂລກ ໄດ້ຕັດສິນໃຈເດີນທາງຈາກແຄນາດາບ້ານເກີດມາຊ່ວຍຢູເຄຣນສູ້ກັບຣັດເຊຍທີ່ກຳລັງເປີດເສີກໃສ່ກັນ ພາຍຫຼັງໄດ້ຂ່າວວ່າທາງຢູເຄຣນຂໍທະຫານອາສາສະໝັກຈາກຕ່າງຖິ່ນມາຊ່ວຍສູ້ຮົບກັບຝ່າຍກົງກັນຂ້າມ.

ສະໄນເປີ ຫຼື ນັກແມ້ນປືນຄົນນີ້ເປັນທີ່ຮູ້ກັນດີວ່າຊື່ ວາລີ ໃນໄວ 40 ປີ ເຂົາເສຍສະຫຼະພັດພາກຈາກເມຍ ແລະລູກນ້ອຍ ເດີນທາງມາໄກກວ່າ 4.800 ໄມ

ມາຍັງຢູເຄຣນ ເພື່ອຊ່ວຍສູ້ກັບທະຫານຣັດເຊຍ ເຊິ່ງຂະນະນີ້ມີນັກຮົບອາສາສະໝັກຕ່າງຊາດເຂົ້າຮ່ວມສູ້ຮົບໃນສົງຄາມຮ່ວມກັບຢູເຄຣນຫຼາຍກວ່າ 20.000 ຄົນ.

ໂດຍກ່ອນໜ້ານີ້ວາລີ ແມ່ນເຄີຍສັງກັດກົມທະຫານທີ22 ຂອງກອງທັບແຄນາດາ ໄດ້ມີປະສົບການໃນສົງຄາມສູ້ຮົບກັບກຸ່ມກໍ່ການຮ້າຍມາແລ້ວຫຼາຍຕໍ່ຫຼາຍນັດ ລາວເຄີຍປະຕິບັດການສູ້ຮົບທີ່ເມືອງການດາຮາດ ໃນລະຫວ່າງເກີດສົງຄາມອັຟການິດສະຖານ ນອກຈາກນັ້ນຍັງໄດ້ເດີນທາງໄປອີຣັກ ເພື່ອຊ່ວຍຕໍ່ສູ່ກັນກຸ່ມຕິດອາວຸດຫົວຮຸນແຮງໄອເອັສອີກດ້ວຍ.

ບໍ່ພຽງເທົ່ານັ້ນຍັງເປັນສະໄນເປີທີ່ຍິງໄລຍະໄກໄດ້ຢ່າງເຫຼືອເຊື່ອເຖິງ 3.450 ແມັດສາມາດປິດຊີບຜູ້ກໍ່ການຮ້າຍໄດ້ຢ່າງສວຍງາມ ເຊິ່ງຖືເປັນການທຳລາຍສະຖິຕິຍິງປືນປິດຊີບຝ່າຍກົງກັນຂ້າມໄລຍະໄກລະດັບສະຖິຕິໂລກ.

ສຳລັບສະໄນເປີຄົນນີ້ສາມາດທຳລາຍສະຖິຕິ ຍິງດັບສູນທະຫານມາແລ້ວ 40 ຄົນຕໍ່ມື້, ລາວເກີດເມື່ອປີ 1981 ເນື້ອແທ້ສາຍທີ່ຮຽນມາວາລີແມ່ນເກັ່ງດ້ານວິທະຍາສາດຄອມພີວເຕີ້ ແຕ່ຊື່ວາລີນັ້ນບໍ່ແມ່ນຊື່ແທ້ຂອງລາວເປັນພຽງຊື່ທີ່ໄດ້ຮັບການສາຍານາມໃໝ່ໃນລະຫວ່າງທີ່ລາວມາຮ່ວມເຮັດສົງຄາມໃນອັຟການິດສະຖານ ເຊິ່ງມີຄວາມໝາຍວ່າເປັນຜູ້ປົກປ້ອງຄຸ້ມຄອງຊາວອາຣາບິກ.

ສ່ວນວ່າຊື່ແທ້ແນວໃດນັ້ນບໍ່ມີໃຜຮູ້ ເພາະນັກແມ້ນປືນຄົນນີ້ບອກວ່າຈະບໍ່ເປີດເຜີຍຊື່ແທ້ລວມເຖິງຄົນໃນຄອບຄົວຢາກໃຫ້ເຂົາເຈົ້າຢູ່ດ້ວຍຄວາມປອດໄພ.ລາວເປັນຄົນທີ່ບໍ່ສູງຫຼາຍພຽງແຕ່ 1,75 ແມັດເທົ່ານັ້ນ ນ້ຳໜັກ 80 ກິໂລຖືວ່າຫຸ້ນຢຸ່ໃນລະດັບດີ