ສະຖານທູດໄທ ປະກາດແຈ້ງເຕືອນ ການຖືກຕົວະໄປເຮັດວຽກຢູ່ ເຂດເສດຖະກິດພິເສດ ສາມຫຼ່ຽມຄຳ ແຂວງບໍ່ແກ້ວ. ໄດ້ປະກາດແຈ້ງເຕືອນ ໃຫ້ຮູ້ວ່າ: ໃນໄລຍະທີ່ຜ່ານມາ ທາງສະຖານທູດ ໄດ້ຮັບລາຍງານວ່າ ມີຂະບວນການຕົວະຍົວະຄົນໄທ ແລະ ຊາວຕ່າງຊາດ ໃຫ້ເຂົ້າໄປເຮັດວຽກໃນພື້ນທີ່ ເຂດເສດຖະກິດພິເສດ ສາມຫຼ່ຽມຄຳ ແຂວງ ບໍ່ແກ້ວ, ປະເທດລາວ ໂດຍການຮັບສະໝັກເທິງສື່ອອນລາຍ ຫຼື ໄດ້ຮັບການຊັກຊວນຈາກນາຍໜ້າທີ່ເປັນຄົນໄທ ໂດຍອ້າງວ່າມີລາຍຮັບ ແລະ ຄ່າຕອບແທນສູງ.
![](https://fksavanbannamedia.com/wp-content/uploads/2022/03/39c62eb2-ae7f-4a62-89dc-8c074d6a2a0f.jpeg)
ແຕ່ຄວາມຈິງແລ້ວເມື່ອໄປຮອດ ຈະຖືກບັງຄັບໃຫ້ເຊັນສັນຍາທີ່ເປັນພາສາຕ່າງປະເທດ ແລະ ບັງຄັບໃຫ້ເຮັດວຽກທີ່ບໍ່ໄດ້ຕົກລົງກັນໄວ້ ເຊິ່ງຖ້າບໍ່ເຮັດຕາມກໍຈະຖືກຂົ່ມຂູ່ວ່າຈະທຳຮ້າຍຮ່າງກາຍ, ຈຳກັດອິດສະຫຼະພາບ ຫຼື ຖືກກັກຂັງ, ຍຶດເອກະສານປະຈຳຕົວ ໄປຈົນເຖິງການຂາຍຕໍ່ໃຫ້ນາຍຈ້າງຄົນອື່ນ. ດັ່ງນັ້ນ, ສະຖານທູດໄທ ຈຶ່ງແຈ້ງມາຍັງຄົນໄທ ຫຼື ຜູ້ທີ່ຈະໄປເຮັດວຽກຢູ່ໃນເຂດດັ່ງກ່າວ ໃຫ້ເບິ່ງຂໍ້ມູນຢ່າງຮອບຄອບກ່ອນທີ່ຈະຕັດສິນໃຈ ເພາະທ່ານອາດຕົກເປັນເຫຍື່ອຂອງຂະບວນການຫຼອກລວງດັ່ງກ່າວນັ້ນ.
![](https://fksavanbannamedia.com/wp-content/uploads/2022/03/276007942_4972193139528318_7690472649161727557_n.jpg)
Discussion about this post