ຕັດຜົມມື້ໃດດີ?ເຊື່ອວ່າຫລາຍຄົນຄົງມີຄຳຖາມເຫລົ່ານີ້ໃນໃຈຈະຕັດຜົມຕາມວັນທີ່ເຮົາສະດວກດີບໍ່ຫລືຈະຢຶດຫລັກຕາມທີ່ຄົນບູຮານສອນໄວ້ດີອັນນີ້ແລ້ວແຕ່ຄວາມເຊື່ອຂອງແຕ່ລະຄົນແຕ່ຕ້ອງບໍ່ລືມວ່າບູຮານທ່ານສອນທ່ານສັ່ງເອົາໄວ້ຈາກປະສົບການທີ່ຊະສົມມາດົນພົບເຫັນຫຍັງມາຫລາຍດັ່ງນັ້ນຖ້າເຮົາຈະເຊື່ອໄວ້ນຳກໍບໍ່ເສຍຫາຍຫຍັງມື້ນີ້ເຮົາຈະມາເບິ່ງກັນວ່າຄົນບູຮານເພີ່ນສອນໄວ້ວ່າຕັດຜົມມື້ໃດດີ,ມື້ໃດບໍ່ດີ.ຕັດຜົມມື້ໃດຈະເກີດສິລິມົງຄຸນກັບຕົວມື້ໃດຈະເກີດສິ່ງບໍ່ດີກັນນຳມາເບິ່ງກັນ
- ວັນອາທິດ ເພີ່ນວ່າດີນັກແລຈະມີອາຍຸຍືນຍາວ, ຮ່າງກາຍແຂງແຮງ, ບໍ່ເຈັບປ່ວຍເປັນໄຂ້ອອດໆແອດໆ
- ວັນຈັນ ເພິ່ນວ່າຈະມີແຕ່ໂຊກລາບ, ໄດ້ຂອງມີຄ່າ, ການຄ້າຂາຍຄ່ອງຕົວບໍ່ອົດບໍ່ທຸກ
- ວັນອັງຄານ ເພີ່ນວ່າບໍ່ດີມີແຕ່ໂທດມີແຕ່ຄົນປອງຮ້າຍສັດຕູຈະເຮັດໃຫ້ໄດ້ເຈັບ,ຫລິກລ້ຽງໄດ້ຈົ່ງຫລິກລ້ຽງການຕັດຜົມວັນອັງຄານ
- ວັນພຸດ ຕັດຜົມມື້ວັນພຸດເພີ່ນວ່າມື້ວັນພຸດເປັນມື້ຂອງເຈົ້າຂອງນາຍເຮົາບໍ່ຄວນຕີຕົນສະເໝີ,ການງານຈະມີແຕ່ຕົກຕ່ຳ,ມີແຕ່ເລື່ອງຜິດຖຽງກັນຂັດແຍ້ງ,ທັງກັບຜູ້ອື່ນແລະຄົນໃນຄອບຄົວຄົນບູຮານທ່ານບໍ່ແນະນຳໃຫ້ຕັດຜົມມື້ນີ້’
- ວັນພະຫັດ ເພິ່ນວ່າເປັນມື້ຄູເປັນມື້ມົງຄຸນຍິ່ງນັກເຫລົ່າເທວະດາຈະມາປົກປັກປິ່ນປົວໃຫ້ແຄ້ວຄາດຈາກອັນຕະ ລາຍທັງຫລາຍທັງປວງເປັນມື້ສິລິມົງຄຸນຍິ່ງຖ້າບໍ່ຕິດວຽກສຳຄັນໜັກໜາໃຫ້ຕັດຜົມມື້ວັນພະຫັດດີ
- ວັນສຸກ ຕັດຜົມມື້ສຸກທ່ານວ່າເປັນໄຊເຮັດຫຍັງຈະເລີນຮຸ່ງເຮືອງຕັດຜົມມື້ນີ້ຈະມີແຕ່ໂຊກລາບການຄ້າການຂາຍດີ,ມີເງີນທອງໃຊ້ບໍ່ຂາດມື,ໃຜເຮັດຄ້າຂາຍບູຮານທ່ານວ່າຕັດຜົມມື້ສຸກຈະດີທີ່ສຸດ
- ວັນເສົາ ຕັດຜົມວັນເສົາເພີ່ນວ່າເປັນມື້ມົງຄຸນຫລາຍຕັດຜົມແລ້ວຈະໄດ້ດັ່ງສິ່ງທີ່ຫວັງປະສົງສິ່ງໃດໄວ້ກໍຈະໄດ້ສິ່ງນັ້ນ
ໝາຍເຫດ: ເປັນຄວາມເຊື່ອສ່ວນບຸກຄົນ ກະລຸນາໃຊ້ວິຈາລະນະຍານໃນການອ່ານ
Discussion about this post