ເຈົ້າສາວຍຸກໃໝ່ 2022 ຫອບສິນສອດມູນຄ່າກວ່າ 12 ລ້ານບາດ ຍົກຂັນໝາກຂໍແຕ່ງແຟນໜຸ່ມ ບໍ່ຢາກຖ້າຝ່າຍຊາຍມາຂໍແລ້ວ ຕັດສິນໃຈປຶກສາພໍ່ແມ່ທັງສອງຝ່າຍ ກ່ອນຈັດເຊີໄພ້ເຈົ້າບ່າວ ບອກເລີຍງານນີ້ເຈົ້າບ່າວຍິ້ມເປີ້ຍໆ
![](https://kkklao.com/wp-content/uploads/2022/03/image-3.png)
ສື່ຂ່າວປະເທດເພື່ອນບ້ານລາຍງານວ່າ ວັນທີ 13 ມີນາຜ່ານມາ ໄດ້ມີພິທີມຸງຄຸນ ລະຫວ່າງ ນາງສາວ พิชญา ภาโนมัย ຫຼື ใบหลิว ອາຍຸ 33 ປີ ແລະ ແຟນໜຸ່ມ เทพาจันทรักษ์ ຫຼື นิกกี้ ອາຍຸ 33 ປີ
ທັງຄູ່ເປັນຊາວຈັງຫວັດຂອນແກ່ນ ປະເທດໄທ ເຊິ່ງກໍດັ່ງທີ່ເວົ້າໄປ ງານນີ້ເຈົ້າສາວຈັດຊຸດໃຫຍ ເປັນຝ່າຍເຊີໄພ້, ເປັນຝ່າຍຫອບຂັນໝາກມາຂໍເຈົ້າບ່າວເອງເລີຍ
![](https://kkklao.com/wp-content/uploads/2022/03/image-4.png)
ພາຍໃນງານມີຄອບຄົວພໍ່ແມ່ພີ່ນ້ອງທັງ 2 ຝ່າຍເຂົ້າຮ່ວມຢ່າງອົບອຸ່ນ
ຝ່າຍຍິງໄດ້ກ່າວວ່າ ຕົນເອງເປັນຄົນປຶກສາກັບເຈົ້າພາບທັງ 2 ຝ່າຍ ກ່ອນຫອບສິນສອດມາຂໍຝ່າຍຊາຍ ເຊິ່ງກໍເຮັດຕາມຮີດຄອງປະເພນີທຸກຢ່າງ ຕ່າງແຕ່ເປັນຝ່າຍຍິງເປັນຝ່າຍແຂ່ຂັນໝາກມາັ້
![](https://kkklao.com/wp-content/uploads/2022/03/image-5.png)
ກ່ອນໜ້ານີ້ທັງຄູ່ຄົບຫາກັນມາໄດ້ 8 ປີ ແລ້ວ ຜ່ານອຸປະສັກ ເລື່ອງລາວລາຍຢ່າງມາຮ່ວມກັນ ຈົນມີກິດຈະການຮ້ານອາຫານໃນເມືອງຂອນແກ່ນ ແລະ ທຸລະກິດອື່ນໆ ເຮັດໃຫ້ຮູ້ວ່າຕົນເອງເປັນຜູ້ຍິງທີ່ໂຊກດີ ມີຝ່າຍຊາຍຄອຍຊ່ວຍຊັບພອດ ຊ່ວຍເຫຼືອຄຽງຂ້າງມາຕະຫຼອດ ແລ ປະສົບຜົນສໍາເລັດ
![](https://kkklao.com/wp-content/uploads/2022/03/image-6.png)
ເຊິ່ງກ່ອນໜ້ານີ້ຝ່າຍຊາຍກໍໄດ້ລົມເລື່ອງແຕ່ງດອງນໍາກັນແລ້ວ ແຕ່ຍັງຫາໂອກາດເໝາະສົມບໍ່ໄດ້ ຕົນຈຶ່ງຫາໂອກາດເຊີໄພ້ ເຊິ່ງສິນສອດ ຫຼື ເງິນຕ່າງໆ ແມ່ນເງິນທີ່ທັງສອງຊ່ວຍກັນຫາຕັ້ງແຕ່ບໍ່ທັນມີຫຍັງ ແລະ ອີກມຸມໜຶ່ງຍຸກສະໄໝນີ້ປ່ຽນໄປແລ້ວ ຈະຍິງຊາຍເປັນຝ່າຍຂໍກໍບໍ່ເປັນຫຍັງ ຊາຍເຮັດໄດ້ ຍິງກໍເຮັດໄດ້ຄືກັນ
ແນວໃດກໍດີໃຈນໍາເດີ້ ຂໍໃຫ້ຮັກກັນດົນໆຈົນເຖົ້າແກ່
Discussion about this post